Nevada Smith

Iste articlo ye sobre una cinta estausunidense de westween dramatico de l'anyo 1966; ta l'entrenador de basketbol, se veiga Nevada Smith (entrenador de basketbol).

Nevada Smith
Títol	Nevada Smith
Ficha tecnica
Dirección	Henry Hathaway
Aduyant de dirección	Joseph Lenzi Daniel McCauley
Dirección artistica	Tambi Larsen Hal Pereira Al Roelofs
Producción	Henry Hathaway
Guión adaptau	John Michael Hayes
Basau en	The Carpetbaggers, novela de Harold Robbins (1961)
Musica	Alfred Newman
Soniu	Charles Grenzbach Harold Lewis
Fotografía	Lucien Ballard
Montache	Frank Bracht
Escenografía	Robert R. Benton
Vestuario	Frank Beetson Jr.
Maquillache	Wally Westmore Del Acevedo
Peluquería	Nellie Manley Gertrude Reade
Efectos especials	George C. Thompson
Actors	Steve McQueen Karl Malden Brian Keith Arthur Kennedy Suzanne Pleshette Raf Vallone Janet Margolin Pat Hingle Howard Da Silva Martin Landau Paul Fix Gene Evans Josephine Hutchinson John Doucette Val Avery Sheldon Allman Lyle Bettger Bert Freed David McLean Steve Mitchell Merritt Bohn Sandy Kenyon Ric Roman John Lawrence Stanley Adams George Mitchell John Litel Ted de Corsia Joanna Moore
Color	Eastmancolor Panavision
Datos y cifras
País(es)	Estaus Unius
Anyo	1966
Debantadera	23 de mayo de 1966 Hollywood (California, Estaus Unius)[1]
Chenero(s)	Cine de western Cine de drama
Durada	131 min.
Idioma(s)	Anglés
Companyías
Productora(s)	Solar Productions
Distribución	Paramount Pictures
Recauto	6,5 millons de dólars
Informacions en bases de datos especializadas:

Nevada Smith (títol orichinal, enguerada en Aragón con ixe mesmo títol) ye una cinta de cine estausunidense de cine de western dramatico enguerada l'anyo 1966, dirichida por Henry Hathaway seguntes un guión adaptau por John Michael Hayes (basau en a novela The Carpetbaggers, que heba publicau Harold Robbins l'anyo 1961), con una banda sonora orichinal d'Alfred Newman, una dirección de fotografía de Lucien Ballard, una producción cinematografica de Henry Hathaway ta la productora cinematografica Solar Productions y un elenco d'o cual en fan parte, entre d'atros actors, Steve McQueen, Karl Malden, Brian Keith, Arthur Kennedy, Suzanne Pleshette, Raf Vallone, Janet Margolin, Pat Hingle, Howard Da Silva, Martin Landau, Paul Fix, Gene Evans, Josephine Hutchinson, John Doucette, Val Avery, Sheldon Allman, Lyle Bettger, Bert Freed, David McLean, Steve Mitchell, Merritt Bohn, Sandy Kenyon, Ric Roman, John Lawrence, Stanley Adams, George Mitchell, John Litel, Ted de Corsia y Joanna Moore.

En os anyos 1890 en l'ueste d'Estaus Unius, o choven Max Sand recibe la visita de tres malfeitors que preguntan por su pai. Cuan diz l'adreza d'a casa, li roban o caballo y marchan enta la casa, a on matan a lo matrimonio, estando la mai una india kiowa. O choven decide perseguir-los, encara que no coneix masiau de l'emplego d'as armas. Troba a Jonas Cord, un armero ambulant, qui li ensenya l'uso d'as armas, y sigue la pista d'os asasins. En primeras persigue a Jesse Coe dica Abilene, a on con l'aduya de Neesa, una prostituta kiowa, lo mata; y como queda feriu en a baralla, Neesa lo leva enta la tribu kiowa a on lo cudia. Dimpués conoix que lo segundo malfeitor, Bill Bowdre, ye en una garchola de Loisiana treballando en a paúl, y se fa engarcholar con él. Cuan consigue fer amistat con él lo retenta ta fugar-se roz dos y en a fuga consigue tamién matar-lo. Finalment, persigue a Tom Fitch, qui diriche a una banda de malfeitors y s'une a la banda, encara que tamié con l'obchectivo de matar-lo.

A cinta s'ambienta en os anyos 1890 en cuantos puestos d'Estaus Unius, entre los cuals Abilene en Texas y en Loisiana, y las suyas escenas se filmoron en Krotz Springs y Nueva Orleans (Loisiana) y en localizacions en California, incluyindo-ie Bishop, Cerro Gordo, Lone Pine y Olancha, y en Arizona, incluyindo-ie Wolf Hole^[2]

Ye una cinta que ha recibiu bels premios y noinacions, encara que garra d'istos premios no fa parte d'os premios cinematograficos mas conoixius u destacaus.

• Cine en 1966.
• Cintas de 1966.

• (en) Nevada Smith en Internet Movie Database.
• (en) Nevada Smith en Rotten Tomatoes.
• (en) Nevada Smith en TCM Movie.
• (en) Nevada Smith en l'American Film Institute Catalog de l'American Film Institute.