Neodruidismo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Lo neodruidismo ye un conchunto de movimientos relichiosos que preban de recuperar lo druidismo historico u que suposatament pretenden continar-lo.

Bi ha seguidors de lo neodruidismo en tot lo mundo, pero mes que mes en las Islas Britanicas, Francia, atros países d'Europa, Australia, Norteamerica, Archentina y Brasil. En conchunto pueden estar un millón de personas que pueden pretender estar druidas u no mes perteneixer a una confrairía druidica.

Estas confrairías son numerosas, variatas, y a sobén en contra unas d'atras tanto por la doctrina como por lo ritual, finalidaz y orichen social. Son pocas las purament neodruidicas, y bi n'ha que admiten la doble pertenencia: un neodruida d'estas confrairías puet estar inscrito tamién en una Ilesia cristiana de cualsiquier tendencia. Bi ha confrairías neodruidicas que dependen mes de las lochias masonicas que d'una tradición druidica autentica.

Las confrairías neodruidicas se pueden clasificar en cuatre categorías prencipals:

• Druid Order, continadors de la doctrina de John Toland, tien tendencias esotericas.
• Ancient Order of Druids, continadors de la doctrina de Henry Hurle, con influencias masonicas, en especial en lo suyo ritual inspirato en la masonería escocesa.
• Order of Bards, Ovates and Druids, continadors de la tendencia de Iolo Morganwg, ha tenito influencias nacionalistas relacionatas con Galas y Bretanya.
• Atras confrairías u sectas, que no se relacionan con las anteriors, con menos chent, que se mantienen por la efimera voluntat d'un fundador y que pueden claros sincretismos con atras y variatas relichions.

Especialistas u conoixedors de la relichión u mitolochía celta como Jean Markale cuestionan que estos movimientos como continadors de garra tradición, como diz en un libro suyo:

Jean Markale. DRUIDAS: TRADICIONES Y DIOSES DE LOS CELTAS. Taurus humanidades. 1989.