Museu

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un museu ye una institución permanent sin animo de lucro, accesible a o publico y a o suyo servicio, y que guarda biens culturals muebles u immuebles (libros, obras d'arte, u d'atros) ta a suya conservación, estudio, exhibición y espardidura y ta a educación y espleitamiento cultural y estetico d'os ciudadans.

En 1977, a Organización d'as Nacions Unidas declaró o 18 de mayo como o Día Internacional d'os Museus.

A palabra provien d'a palabra latina MUSEUM, que vien d'o griego μουσείο[ν], muséion (u templo d'as musas, lo sufixo -eion fa de locativo). Sindembargo, estió o nombre d'una institución fundada en a ciudat d'Aleixandría (Echipto) por Ptolomeu II Filadelfo en 280 aC ta promover o conoiximiento y l'aduya ta os intelectuals.

Encara que o coleccionismo d'elementos que hue son en os museus ya existiba en l'Antigüidat, a ideya d'a suya exposición publica no yera present por ixas envueltas. Encara que tamién s'exposaban biens en os templos, a ormino relacionatos con a relichión. Bi heba tamién bel particular, normalment de l'aristocracia en a Roma antiga y en a Grecia antiga, que meteban obras d'arte en lugars destacatos d'as suyas viviendas, encara que no ta o disfrute publico, sino nomás d'os suyos amigos y visitants.

Categoría principal: Museus d'Aragón.

• Se veigan as imáchens de Commons sobre Museus.