Monachus monachus ye a sola especie d'a familia Phocidae present en a Mar Mediterrania, y tamién se distribuye u distribuiba por a costa atlantica nordafricana dica Mauritania, Cabo Verde, as Islas Canarias y Madeira. Ha desapareixiu d'a mayor part d'as costas mediterranias y d'as Islas Canarias.
Se conoix fósil dende o Pleistoceno meyo de Vallonnet, y tamién se troba fósil en o Pleistoceno meyo d'as esplugas de Grimaldi y d'Altamira. Tamién s'ha trobau como fósil en as minas de Can Tintoré (Gavà, Barcelona) con edat neolitica inferior-meya (5070 u 4880 anyos BP).
En catalán se li diz metaforicament vell marí ("viello marín"), que curiosament recuerda a l'asociación d'un dios marín griego substituyiu por Poseidón con esta especie de focido, tal y quiento veyemos en "A Odisea". En occitán existe a denominación de buòu marin[1] (buei marín). Dende las formas catalanas y occitanas tenemos adaptacions escritas como veyl marin en o peache de Uesca y como bitill marino en o peache de L'Ainsa en o sieglo XV.
Se veigan as imáchens de Commons sobre Monachus monachus.
Wikispecies tiene un articlo sobre Monachus monachus.
Datos: Q208549