Jean Girault

Jean Girault
O director y guionista francés Jean Girault (a dreita), chunto con l'actor Louis de Funès, en una imachen de 1970.
Información personal
Nombre real	Jean Jacques Antoine Girault
Calendata naiximiento:	9 de mayo de 1924
Puesto naiximiento:	Villenauxe-la-Grande (Aube, Francia)
Calendata muerte:	20 de chulio de 1982
Puesto muerte:	París (Isla de Francia, Francia)
Enterreco	Cimenterio parisién de Bagneux (Bagneux, Altos d'o Sena)
Ocupación:	Director cinematografico Guionista
Conchuche:	Françoise Jourdanet
Fillos:	Dominique

Jean Jacques Antoine Girault, naixiu de Villenauxe-la-Grande (Aube, Francia) o 9 de mayo de 1924 y muerto lo 20 de chulio de 1982 en París (Isla de Francia, Francia), estió un director cinematografico y guionista francés, activo en o cine francés dende primerías d'os anyos 1950 dica lo momento mesmo d'a suya muerte, en morir por tuberculosi mientres que dirichiba la suya zaguer cinta, Le gendarme et les gendarmettes, protagonizada por un d'os suyos indubdables actors fetiche, Louis de Funès, a qui dirichió en 12 cintas.

Girault estió un director bien adedicau a lo cine de comedia, en destacando las suyas cintas d'a serie de Le gendarme de Saint-Tropez: Le gendarme de Saint-Tropez (1964), Le gendarme à New York (1965), Le gendarme se marie (1968), Le gendarme en balade (1970), Le gendarme et les extraterrestres (1979) y Le gendarme et les gendarmettes (1982, cintas todas ellas protagonizadas por Louis de Funès). Tanimientres, atras cintas destacadas d'a suya carrera cinematografica estioron Les Charlots font l'Espagne (1972, con Les Charlots, Jacques Legras, Gérard Tichy y Jaime de Mora y Aragón), Le permis de conduire (1974, con Louis Velle, Pascale Roberts, Jacques Jouanneau, Sébastien Floche, Sandra Julien, Maurice Biraud, Daniel Prévost y Jacques Legras), Les murs ont des oreilles (1974, con Louis Velle, Martine Sarcey, Chantal Nobel, Jacques Marin, Juliette Mills, Christine Fabréga y Bernard Lavalette), L'intrépide (1975, con Louis Velle, Claudine Auger, Juliette Mills, Michel Galabru, Roger Haniny Jacques Balutin) u L'année sainte (1976, con Jean Gabin, Jean-Claude Brialy y Danielle Darrieux).

Jean Girault morió en un hespital parisién como consecuencia d'una tuberculosi que li provocó un infarto de miocardio mientres o rodache d'a suya zaguer cinta, Le gendarme et les gendarmettes, en un momento en o cual lo que toz pensaban yera que qui podía morir mientres o rodache yera lo protagoniista d'a cinta, l'actor Louis de Funès, gran amigo personal de Girault (mesmo con a suya muller, Jeanne de Funès, Luois de Funès yera lo padrín de Dominique, la filla de Jean Girault en o suyo matrimonio con a maquilladora Françoise Jourdanet).

Como actor, fació un cameo en una d'as cintas que dirichió, Les Charlots font l'Espagne (1972). A información detallada sobre ista cinta se puet veyer en l'apartau de cintas dirichidas por él.

Nomás se relacionan as cintas a on no en ye amás o director. As informacions d's cintas en as que ha estau a la vegada director y guionista se troban en l'apartau de cintas dirichidas por él; se tracta de: Les pique-assiette (1960, Les livreurs (1961), Les bricoleurs (1963), Les veinards (1963), Pouic-Pouic (1963, Faites sauter la banque! (1964, Le gendarme de Saint-Tropez (1964), Les gorilles (1964), Le gendarme à New York (1965), Monsieur le président-directeur général (1966), Les grandes vacances (1967), Un drôle de colonel (1968), Le gendarme se marie (1968), La maison de campagne (1969), Le gendarme en balade (1970), Jo (1972), Les Charlots font l'Espagne (1972), Le concierge (1973), Deux grandes filles dans un pyjama (1974), Les murs ont des oreilles (1974), L'intrépide (1975), Le mille-pattes fait des claquettes (1977), Le gendarme et les extra-terrestres (1979), L'avare (1980), Ach du lieber Harry (1981) y Le gendarme et les gendarmettes (1982).

• Cintas con guión de Jean Girault.
• Cintas dirichidas por Jean Girault.

• Se veigan as imáchens de Commons sobre Jean Girault.
• (en) Jean Girault en Internet Movie Database.