Endotermia

A endotermia (d'o griego ἐνδο, endo, adentro, y θερμός, thermós,^[1] calient) ye a condición d'os animals que pueden mantener una temperatura corporal que les resulte favorable a o metabolismo. Os animals endotermos son os que vulgarment se diz que tienen a «sangre calient» u «sangre calenta».^[2] Os animals que tipicament se cita como endotermos son os mamiferos y as aus.

A calor interna sale por regular como producto secundario d'o metabolismo rutinario, pero cuan l'actividat ye menos u a temperatura ambient baixa, os organismos endotermos tienen a facultat de meter a funcionar mecanismos de producción de calor. Bel eixemplo son os movimientos musculars de caracter especial, como «tritoliar» (tremolar de frío), u o metabolismo oxidativo no acoplau en a graixa parda d'o cuerpo.

Se veiga tamién

Referencias

↑ «endotermo», consultau o 2 de mnarzo de 2024.
↑ L'uso de l'adchetivo «calenta», en femenino, ye una caracteristica dialectal que se troba en aragonés ribagorzano (Endize II, 1999, y Arnal Purroy, El habla de la Baja Ribagorza occidental, 1998). En a mayoría de dialectos de l'aragonés «calient» ye un adchetivo invariable.

Datos: Q907248

[Dicciomed-1] «endotermo», consultau o 2 de mnarzo de 2024.

[calenta-2] L'uso de l'adchetivo «calenta», en femenino, ye una caracteristica dialectal que se troba en aragonés ribagorzano (Endize II, 1999, y Arnal Purroy, El habla de la Baja Ribagorza occidental, 1998). En a mayoría de dialectos de l'aragonés «calient» ye un adchetivo invariable.

[1]