Chenero neutro

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

En bella luengas indoeuropeas como o latín bi ha un chenero neutro pa nocions abstractas u impersonals. En cualques luengas neolatinas o neutro ha desapareixiu quedando-ne restos, pero en atras como o rumano se conserva.

En latín bi ha neutros en diferents declinacions. En a declinación consonantica bi ha palabras neutras con temas en -s (corpus, pectus y tempus), en -en (nomen, lumen, ligamen, examen, gramen, semen), en -r u -re (cor, ruber, mare), en -l (mel, fel), -t (caput) y -c (lac).

Entre as luengas neolatinas, o rumano conserva o chenero neutro latín pero d'una forma que en singular pareixe masculín y en plural pareixe feminín. O plural d'as palabras neutras se fa con as desinencias -e, -uri u -i.^[1]

S'anyade -e en os terminaus en: -ar, -er, -ent, -ment, -aj, -ăt, -et, -ism, consonant+ru, -or, -sor y -tor, y estas zagueras terminacions esdevinenen -oare por a declinación interna tipica d'o rumano.

S'anyade -uri en os terminaus en -o, ó, -ou, -ú, consonant + lu, supins y monosilabos:

S'anyade -i en a mes gran part d'o terminaus en -iu, y por eixemplo exercițiu y acvariu fan plurals en exerciții y acvarii, pero bi ha muitas excepcions.

En catalán existe o pronombre personal neutro ho, que tamién existe en benasqués, u, y que complenta obchectos directos neutros, a vegadas representatos por lo pronombre demostrativo neutro açò, això y allò (esto y ixo).

As palabras masculinas cos ("cuerpo") y temps ("tiempo") presentan una -s final que se remonta a lo tema en -s d'os neutros d'a declinación consonantica corpus, tempus y pectus.

En castellano, o chenero neutro nomás se conserva en l'articlo definiu lo, o pronombre personal ello, os demostrativos esto, eso, aquello y as cuantificadors cuanto, cuánto, tanto. Tradicionalment tamién se considera que os pronombres indefinius algo, nada, todo tienen o chenero neutro. Antimás bi ha palabras femeninas que en l'orichen suyo yeran plurals: rama (de ramo), braza (de brazo), lenya (de lenyo), hoja, ecetra. Ye curioso que o nombre d'a rechión d'on ye orichinario o castellano, siga un plural neutro de Castiello: Castiella.

• CASTELLA > Castiella > Castilla.

O mesmo se podería dicir de l'aragonés lenya, fuella, chesa. Bi ha plurals neutros fosilizatos, por eixemplo en Tramacastiella (Entre (ambos) castiellos). En mozarabe de la Val de l'Ebro bi ha plurals neutros fosilizatos en a toponimia: como Urreya, probable evolución d'o plural de Horreum.