Os champinyons (d'o francés champignon) son es potrecons caracteristicos d'es fongos d'o chenero Agaricus. Bellas especies d'iste chenero son cautivadas como a comestibles, d'entre ellas la una mes important ye Agaricus bisporus.
As especies de champinyons tienen per l'usual fructificacions carnosas, de mida meya u gran; o chambrero ye hemisferico inicialment, dimpués se torna convexo, y a la fin remata alto u baixo aplanato, con una color blanquinosa u moderadament marrón. O piet ye celindrico, a vegadas mes estreito per a basi suya; siempre tien un aniello que puet estar persistent u caduco y que separa-se a sobén con facilidat d'o potrecón.
As laminas son libres, no afixadas ent'o piet, densas y d'una color palida cuan emprencipa ta medrar, que va tornando-se'n mes rosada con es tiempos. A carne gosa a estar densa e firme, d'una color blanquinosa también, pero que s'oxida a escape cuan se troba en contacto con l'aire, prenendo alavez colors mes royencas u marronosas.
Se veigan as imáchens de Commons sobre champinyons.
