Verena Diener

D Verena Diener (* 27. März 1949 z Züri; † 28. Juni 2024; s Häimetort isch Muur gsi) isch e Schwiizer Politikeri gsi.

D Diener het d Prüef vo dr Primarlehreri und dr Legasthenytherapeutin gleert. Gschaffet het si zytewys as Dozäntin für Ökology.

Si isch von 1987 bis 1997 Nazionalröötin gsi, vo 1995 bis 2007 Regierigsröötin vom Kanton Züri und vo 2007 bis 2015 Ständeröötin. Denn het si ane 2015 mit dr aktive politische Arbet ufghört.^[1]

Politisiert het d Verena Diener zerscht as Mitgliid vo de Grüene, und vo 1992 bis 1995 isch si d Presidäntin vo de Grüene Schwiiz gsi. Ane 2004 het’s e Striit bi de Grüene ggää, und d Diener het mit anderne zäme die Partei verloo, zum mit em Martin Bäumle di Grüenliberal Partei (GLP) vo Züri gründe.

D Verena Diener isch vo 2007 bis 2022 au d Presidäntin vom Verwaltigsroot vo de Soledurner Spitööler gsi.

• Website vo dr Verena Diener

1. ↑ Verena Diener beendet ihre politische Karriere. uf nzz