Mäile

Meilen
Basisdate
Staat:	Schwiiz
Kanton:	Züri (ZH)
Bezirk:	Mäilew
BFS-Nr.:	0156i1f3f4
Poschtleitzahl:	8706
Koordinate:	691013 / 23621447.270558.641388420Koordinate: 47° 16′ 14″ N, 8° 38′ 29″ O; CH1903: 691013 / 236214
Höchi:	420 m ü. M.
Flächi:	11,93 km²
Iiwohner:	i14'754 (31. Dezämber 2022)[1]
Website:	www.meilen.ch
d Chile vo Mäile und d Fèèri, so uf Horge übere fahrt
Charte
w

Mäile (amtlich Meilen) isch e politischi Gmäind im Bezirk Mäile im Kanton Züri, Schwiiz.

Mäile lit am rächte Ufer vom Zürisee, zmitzt i de Goldküste, am Südhang vom Pfannestììl. Es fahrt e Fähre uf Horge as ander Ufer übere. Überäne isch au d Halbinsle Au. Nochbergmäinde vo Mäile sind Härrlibärg, Egg, Üetike am See und über de See gränzts a Horge und a Wädischwil. Hüt sind 47 % vo de Flächi vo de Gmäind Landwirtschaftsland, 24 % Wald und 27 % Sidlige.^[2]

Mäile isch zum eschte Mal gnamset worde 820/880 als Meilana. S Dorf isch scho i de Römerziit bekannt gsi und hät under de Kelte vermuetlich Mediolanum ghäisse. S git aber au anderi Düütige vo dem Name. Im Mittelalter isch Mäile nach Chloschterbsitz e Obervogtei vo de Schtadt Züri worde.

Am 29. Augste 1872 häd d Gmäind Mäile es Extraschiff pstellt. Das häd mit allne Chind vo de Gmäind es Fäärtli in Obersee gmacht. I de alte Pricht staat, es seget 450 oder sogar 500 Chind gsi. D Tampfbootgsellschaft häd d Concordia gstellt. Won am Abig s Schiff zrugg cho isch, hets zerscht z Obermäile söle alegge. D Eltere sind am Schiffstäg gstande und händ gwarted. Im gliiche Momänt isch s Kursschhiff cho, d St. Gotthard. D Concordia isch i d Gotthard ine gfare und hät mit irem Spitz es grosses Loch i d Siitewand vo de Gotthard grisse. Bed Schiff händ agfange sinke. Wie de Blitz hät mer d Passagier vo de Gotthard uf d Conordia überezoge und disi häds im letschte Momänt no an Stäg ane gschafft. Nume e Fra Gysi vo Basel segi is Wasser ine gheit und de Kassier Brändli vo de Concordia, won vili grettet häd, isch vom Strudel vo de Gotthard abezoge worde. Ali andere, vor alem ali Mäilemer Chind, händ die Katastrophe überläbt. Bis uf de hütigi Tag fiired d Mäilemer drum im Ländeli z Obermäile Änds Augschte jedes Jaar en Tankes-Gottesdienst – sit mängem Jaar ökumenisch.

Quälle: Bundesamt für Statistik 2005^[3]

De Uusländeraatäil liit bi 20 % (Stand 2011).^[2]

40,7 % vo de Iiwooner sind evangelisch-reformiert, 25,8 % sind römisch-katholisch (Stand 2011).^[2]

Bi de Kantonsraatswaale 2011 hät s das Ergebnis ggee:^[2] BDP 2,5 %, CVP 4,2 %, EDU 2,0 %, EVP 1,7 %, FDP 25,9 %. GLP 10,7 %, GP 7,8 %, SP 13,8 %, SVP 30,9 %, Suschtigi 0,3 %.

Gmäindspresidänt isch de Christoph Hiller (Stand 2018).

D Arbetslosigkäit isch im Jaar 2010 bi 3,0 % gläge.^[2]

• Udo Jürgens (1934–2014), öschtrychische Komponist, Pianist und Sänger, hät zletscht z Mäile gwohnt
• Rudolf Schwarzenbach (*1937), Spraachwüsseschafter, wont z Mäile
• Ulrich Wille (1848–1925), General vo de Schwizer Armee, gestorbe z Mäile
• Fritz Zorn (1944–1976), Schriftsteller, z Mäile uf d Wält cho

De züritüütsch Tieläkt vo Mäile ghört zue de Seemundarte.

• Gisela Nagy-Braun, Peter Kummer: Meilen (Gemeinde). In: Historisches Lexikon vo dr Schwiiz.
• Hermann Fietz: Die Kunstdenkmäler des Kantons Zürich, Band II: Die Bezirke Bülach, Dielsdorf, Hinwil, Horgen und Meilen. (= Kunstdenkmäler der Schweiz. Band 15). Hrsg. von der Gesellschaft für Schweizerische Kunstgeschichte GSK. Bern 1943.

 Commons: Mäile – Sammlig vo Multimediadateie

• Offizielli Internetsiite vo Mäile

1. ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
2. ↑ ^{2,0 2,1 2,2 2,3 2,4} Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv)[1] [2] Vorlage:Toter Link/www.bfs.admin.ch, Mai 2012
3. ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv)[3] [4] Vorlage:Toter Link/www.bfs.admin.ch, Date im Aahang (Site cha nüme abgrüeft wärde; Suche im Webarchiv)[5] [6] Vorlage:Toter Link/www.bfs.admin.ch)

Politeschi Gmainde im Bezirk Maile Erlibach | Hërlibëërg | Humbrächtike | Chüsnacht | Mänidorf | Mäile | Ötwil am See | Stäfe | Üetike am See | Zollike | Zumike Kanton Züri | Bezirk vom Kanton Züri | Gmainde vom Kanton Züri