Kircha

Wappe	Dütschlandcharte
	48.6483333333339.4511111111111311Koordinate: 48° 39′ N, 9° 27′ O
Basisdate
Bundesland:	Bade-Württebärg
Regierigsbezirk:	Stuegert
Landchreis:	Esslenga
Höchi:	311 m ü. NHN
Flächi:	40,5 km²
Iiwohner:	41.907 (31. Dez. 2022)[1]
Bevölkerigsdichti:	1036 Iiwohner je km²
Poschtleitzahl:	73230
Vorwahl:	07021
Kfz-Chennzeiche:	ES
Gmeischlüssel:	08 1 16 033
Stadtgliderig:	Chärnstadt un 4 Stadtdeil
Adress vo dr Stadtverwaltig:	Marktstraße 14 73230 Kirchheim unter Teck
Webpräsenz:	www.kirchheim-teck.de
Oberburgermeischteri:	Angelika Matt-Heidecker (SPD)
Lag vo dr Stadt Kirchheim unter Teck im Landchreis Esslenga

Kircha (dt. Kirchheim unter Teck) isch a Stadt en Bada-Wirddabärg em Sidosda vo dor Regio Sduagord, ogfär 5 km sidesdlich vo Sduagord. Nåch Essleng, Fildorsdadd ond Niirdeng isch Kircha d virdgraesda Sdadd em Landgraes Esslenga und bilded s Middlzendrum fir d Gmaendena dromrom. Dor Bereich vom Middlzendrum isch där vom alda wirddabärgische Oboramd Kircha, des må bis 1938 exisdird håd.

Seid-em 1. April 1956 isch Kircha Graosa Graessdadd. Mid de Gmaendena Deddenga ond Notzenga hådd d Sdadd Kircha a Verwaldongsgmaenschafd ausgmachd.

Kircha leid nerdlich vom Albdraof mit saene Vorbärg, dor Teck, em Bråedasdoe ond dor Limburg, em Vorland vo dor middlora Schwäbischa Alb. Em Sdaddgebiid leid d Aemendong vo dor Lendach ond a baar weidore Bächla en d Laudor. D Laudor kommd vo Sida, vo Deddenga/Teck här ens Sdaddgebiid, laofd durch d Ennasdadd (rächds dorvo d Aldsdadd) ond gåd nåch Nordwäsda durch dor Sdadddåel Ädleng (Ötlingen) nåch Wendleng naus. Dord gåd se en dor Näggor nae.

An Kircha grenzd on ganzor Råeja vo Sdedd ond Gmaendena ã, em Urzåegor nåch, em Osda ågfanga: Schlierbach (Landgraes Gebbenga), Ohmda, Holzmada, Weila/Teck, Bissenga/Teck, Deddenga/Teck, Niirdeng, Bõẽng, Wendleng, Wärnao ond Notzenga (älle Landgraes Esslenga)

S Sdaddgebiid vo Kircha setzd sich zsẽma aus Kircha sälbor, aus de Sdadddåel Lendorf ond Ätleng, dia må scho ănna 1935 aegmaended wårda send, ond de Sdadddåel Jesenga ond Naborn, dia må bei dor Gmaendereform 1974 aegmaended wårda send. Älle vir Sdaddåel send ao Ordschafda em Senn vo dor bada-wirddabärgischa Gmaendeordnong, mid-ma åegena Ordschafdsråd ond mid-ma Ortsvorsteher als Vorsitzendor.

Lindorf	Etlenga	Jesenga	Nabern

Ennorhalb vo dor Kärnsdadd Kircha wärded zom Dåel Wohngebiid mit åegene Nãma ondorschiida, maesd Nuibaugebiid, dia må abor ofd koe fesdglegda Grenz hend. A Sdaddåel där må vo dor Kärnsdadd deidlich aadrennd isch, isch dor „Schåfhof“, där må en de 1970er Jår endstanda isch.

• Kircha: 26.586 – 2.393 ha
• Etlenga: 6.404 – 375 ha
• Lindorf: 1.504 – 262 ha
• Nabern: 1.882 – 443 ha
• Jesenga: 3.269 – 574 ha

Zaala nåch-m Stand vom 30. Juni 2004

Kircha bilded a Mittelzäntrum en dor Regio Sduagord, mid Sduagord als Oberzentrum. Zomm Mittelbereich Kircha ghaered Sdedd ond Gmaendena em Sidosda vom Lndgraes Esslenga (en dor Haobdsach s Albvorland mid-em Lennengor Daal ond mid-m Neidlengor Daal): Aoa, Bissenga/Teck, Deddenga/Teck, Holzmada, Kengga, Lennenga, Neidlenga, Notzenga, Ohmda, Weila/Teck, Weiler ond Wendleng.

Bei dor ledsda Kommunalwahl am 25. Måe 2014 håd-s s folgende Ergäbnis gäa: :^[2]

Zomm ersda Mål wird Kircha em Jår 960 ärweend. S isch dåmåls durch on Dausch vom Bistum Chur an dor Keenich Otto I. komma, ond isch scho dåmåls on wichdichor Märktflägga gwäa.

Ogfär ab 1060 hend fir ibor zwåehondord Jår d Zährengor en Kircha s Saga gheed. Irgendwenn omm 1230 hend d Herzeg vo dor Teck irn Märktflägga zor Sdadd gmachd. Dia Herzeg hend abor em 14. Jårhondord ir Land nåch ond nåch an d Gråfa vo Wirddabärg vorkaofa miasa, ond Kircha ghaerd so vo Ãfang ã zom Grundbesdand vo dor Grafschafd ond vom sbädora Herzogtum Wirddabärg. Em wirrdabägischa Wabba send d "Rauda vo dor Teck" (Rauten der Teck) oenor vo de vir Dåel.

D Indusdrialisirong hådd en Kircha scho fria em 19. Jårhondord ãgfanga. Bedeidend isch dor Wollmärkt gwäa, 1819 aegriichded. Em Jår 1864 hådd Kircha on Ãschluss an d Eisabã griagd, mid dor dåmålicha Privateisabã Ondorboeng - Kircha (haed Dåel vo dor S1 em Vorkehrsvorbund Sduagord). D Metallindusdri ond middlsdendische Firma gheared bis haed zo de prägende Bedriib en Kircha.

En Kircha schwäzzd-mor Middlschwäbisch. D Sdadd hådd vo Ãfang ã zom aldwirddabärgische Kärngebiid ghaerd.

• Max Eyth (1836-1906), deidschor Schrifdsdellor, Ingenieur ond Zåechnor.
• Franz Georg Brustgi (1903–1991), deidschor Schrifdsdellor
• Kurt Rommel (1926-2011), schwäbischor Pfarror, Lyriker ond Komponischd
• Rudolf Paul (* 1933), evangelischor Pfarror ond schwäbischor Biblibersezzor

• Hans Schwenkel: Heimatbuch des Kreises Nürtingen. Band 2. Würzburg 1953, S. 388–528.
• Erich Keyser: Württembergisches Städtebuch; Band IV Teilband Baden-Württemberg Band 2 aus Deutsches Städtebuch. Handbuch städtischer Geschichte. Stuttgart, 1961.
• Der Landkreis Esslingen - Hrsg. vom Landesarchiv Baden-Württemberg i.V. mit dem Landkreis Esslingen, Jan Thorbecke Verlag, Ostfildern 2009, ISBN 978-3-7995-0842-1, Band 2, Seite 45

1. ↑ Statistisches Landesamt Baden-Württemberg – Bevölkerung nach Nationalität und Geschlecht am 31. Dezember 2022 (CSV-Datei).
2. ↑ Wahlinformationen des Kommunalen Rechenzentrums Stuttgart

 Commons: Kirchheim unter Teck – Sammlig vo Multimediadateie

• Internetpräsenz vu dr Stadt Kircha
• Aasicht vu Kircha us em Forschtlagerbuech vum Andreas Kieser, 1685 (Hauptstaatsarchiv Stuegert)

Stedt ond Gmoinde em Landkrois Esslenge Albach | Aldorf | Alderiet | Aoe | Balmerschweiler | Bempflenge | Beire | Bissenge | Blochenge | Bõẽnge | Deizisao | Denggedorf | Deddenge | Ẽnsenge | Esslenga | d Filder | Friggehouse | Graoßbeddlenge | Haochdorf | Holzmade | Kẽnge | Kirche | Kohlberg | Lãẽfelde-Echderdenge | Lẽnnenge | Lichtewald | Neggerdaelfenge | Neggerdẽnzlenge | Neidlenge | Neiffe | Niirdenge | Notzenge | Nuihouse | Oechtal | Oechwald | Ohmde | Oschtfilder | Reichebach | Schloedorf | Wärnao | Weile | Weiler | Wẽndlenge | Wolfschluege |

Dä Artikel basiert uff ere fräie Übersetzig vu dere Version vum Artikel „Kirchheim_unter_Teck“ vu de dütsche Wikipedia. E Liste vu de Autore un Versione isch do z finde.