Grüese

Grüese
Verwàltung
Land	Frànkrich
Region	Grand Est
Département	Haut-Rhin (68)
Arrondissement	Colmar-Ribeauvillé
Kànton	Colmer-2
Kommünàlverbànd	Ried de Marckolsheim
Àmtliga Nàma	Grussenheim
Maire	Martin Klipfel (2014-2020)[1]
Code Insee	68110
Poschtlaitzàhl	68320
Iiwohner
Iiwohner	796
Flech	7,53 km2
Bevelkerungsdicht	112,48 Iiw./km2
Làg
Koordinate	48° 08′ 47″ N, 7° 29′ 15″ E / 48.146388888889°N,7.4875°E / 48.146388888889; 7.4875Koordinate: 48° 08′ 47″ N, 7° 29′ 15″ E / 48.146388888889°N,7.4875°E / 48.146388888889; 7.4875
Heche	180 m
Grüese Grüese (Frànkrich)
Website
http://www.grussenheim.fr

Grüese (frz. Grussenheim, dt. Grüssenheim) ìsch e frànzeesche Gmein ìm Owerelsàss ìn dr Region Grand Est (bìs 2015 Region Elsàss). D Gmein ghert zem Kanton Colmer-2 un zem Arrondissement Colmar-Ribeauvillé. S Dorf isch Mitglid im interkommunale Zweckverband Ried de Marckolsheim.

S'Dorf lijt in dr Owerrhineweni, 12 km nordöschtlich vun Colmer un 4 km südweschtlich vun Markelse an dr Nordgrenze vum Département Haut-Rhin (Owerelsass) zwische Jebse im Süde un Else im Norde. Es git, siht mer vu landwirtschaftliche Wäge ab, kei Oscht-Wescht-Strosseverbindung.

D'Umgäwung wird vorwigend fir dr Ackerbäu gnutzt. Im Weschte vum Orts fliesst die Blind Rau, 2 km öschtlich verlauft mit em Heidesträssel e alti Reemerstross.

Us dr Iisezit sin mehreri Grabhüegel bekannt. Zwische Grüese un Aarze isch uf dr weschtliche hittige Grüesemer Gmarkung e beditendi Station vu d hit Heidesträssel geheissene alte Reemerstross gleje. Us dr Merowingerzit isch e Fridhof bekannt.

E erschti urkundlichi Erwähnung datiert vu anno 726 als Grosinhaim. S'Dorf isch um 770 unter d'Herrschaft vun dr Abtei vu Ebersmünschter kumme. Vu 1361 bis zur dr franzeesche Revolution anno 1789 isch dr Ort no unter dr Hoheit vu dr Familie vun Rathsamhausen gsin.

Im 17. Johrhundert isch debi d'Owerhoheit vum reemisch-ditsche Kaiserriich uf s'Keenigriich Frankriich iwergange.

1871 isch dr Ort no wiider ditsch worde. Um 1900 isch e guets Drittel vun dr Iwohnerschaft vu jüdischem Glauwe gsin.

1919 isch Grüese no wiider an Frankriich zruckkumme. Noch dr ditsche Invasion in Frankriich 1940 sin d'Jude am Ort deportiert un vili deno äu ermordet worre. D'Befreiung vun dr Naziherrschaft isch am 29. Jänner 1945 erfolgt.

Dr Maire vun Grüese ìsch dr Martin Klipfel. Grüese ghert zem Kommünàlverbànd Ried de Marckolsheim.

S'Grüesemer Wappe leitet sich vu eme Gmeisiigel ab, wo scho 1666 s'erscht mol belegt gsin isch.

S'Dorf het anno 1999 768 Inwohner gha. Meh wie 80% vun dr erwerbstätige Bevölkerung schafft usserhalb vun dr Gmeind. Örtliche Regionalsproch isch Elsàsserditsch.

Dr Hafalamarik (Hàfelemàrik, frz. Le Marché aux pots) wird sit 1850 alljohr am 1. Mai durchgfüehrt

Grüese het verschideni Dorfvereine, drunter äu e Fuessballclub. Uf dr Blinde Rau ka mer Kanu fahre, s'git dert äu e Kanuverleih.

Barockkìrech ussem 18. Johrhundert

• 
  Kìrech

•  Commons: Grussenheim – Sammlig vo Multimediadateie
• Internetuftritt vun dr Gmei
• Dateblatt zue Grüese bi quid.fr
• Grüese uf dr Site vum Zweckverband Brüns Ried

1. ↑ Liste des maires au 25 avril 2014 (data.gouv.fr)
2. ↑ INSEE: Population et logements par commune depuis le recensement de 1962 (1961 pour les Dom) à 1999