Christopher Paolini

Dr Christopher Paolini (* 17. November 1983 z Süd-Kalifornie) isch e amerikanische Autor.

Dr Christopher Paolini isch im Paradise Valley, Montana, mit sine Eutere, sinere jüngere Schwöschter Angela, dr Katz Otis und dr Hündin Annie uufgwachse. Dr Paolini isch deheim vo sine Eutere ungerrichtet worde, är het nie e öffentlichi Schuu bsuecht. D Geschicht vom Eragon het aus Troum vomne 15-Jährige Teen aagfange. Sini Liebi für Fantasy heine dazue bewoge, säuber e Geschicht z schribe. Är het auerdings nie dra dänkt, die z veröffentleche; die Geschicht isch sis Hobby gsi. Aui Charaktere im Eragon stamme us sire Fantasii, usser dr Chrüterhäx Angela, die basiert uf sire Schwöschter Angela. Woner nach zwöi Jahr ds Buech sine Eutere zum läse gää het, si die beidruckt gsi vo dr Qualität vo däm Buech und hei beschlosse, ds Buech im chline Eigeverlag z drucke. Im nächschte Jahr si Paolinis dür di ganzi USA zoge, um ds Buech bekannt z mache. Totau 135 mau het dr Paolini ds Buch i Schuele, Bibliotheke und Buechläde vorgschteut. Im Summer 2002 het dr Carl Hiaasen ds Buch entdeckt und si Verleger, dr Alfred A. Knopf, druuf uufmerksam gmacht. Dä het d Rächt a Eragon uufkouft. Dä Band 3 isch im Herbscht 2008 erschine, dä viert und letscht Band 2011.

• Eragon - Das Vermächtnis der Drachenreiter - Orig.: Eragon (April 2004)
• Eragon - Der Auftrag des Ältesten - Orig.: Eldest (Oktober 2005)
• Eragon - Die Weisheit des Feuers - Orig.: Brisingr (Oktober 2008)
• Eragon – Das Erbe der Macht - Orig.: Inheritance , 2011
• Eragon: Alles über die fantastische Welt Alagaësia, 2010, cbj-Verlag (München), ISBN 978-3-570-13875-5, Eragon's guide to Alagaësia, 2009

• Christopher Paolini in de Internet Movie Database (änglisch)
• Präsentation vo dr Büecher vom Christopher Paolini
• Paolini bim Random House-Verlag (deutsch)