Bernard Maris

Dr Bernard Maris (* 23. Septämber 1946 z Toulouse, Département Haute-Garonne; † 7. Jänner 2015 z Paris) isch e franzesische Wirtschaftswisseschaftler, Schurnalischt, Autor un Hochschuellehrer gsii.

Anne 1968 het dr Maris sy Diplom am Institut d’études politiques de Toulouse (Sciences Po de Toulouse) gmacht un isch 1975 an dr Universität Toulouse I promoviert wore. In dr negschte zwai Johrzehnt het er dert as Wisseschaftler gschafft un isch anne 1994 Profässer am dertige Inschtitut fir Bolitische Studie wore, unterbroche vun ere Gaschtprofässur an dr University of Iowa in dr USA un eme Lehrufdrag an dr Notebank vu Peru. Dr Maris isch Universitätsprofässer am Inschtitut fir Europastudien an dr Universität Paris VIII gsii.

Dr Maris isch 1992 Mitgrinder vum widerbeläbte Satiremagazin Charlie Hebdo gsii un syterhär Mitinhaber vu dr Zytschrift. Dernäbe het er au fir d Zytschrifte Marianne, Le Nouvel Observateur, s Wuchemagazin vu Le Figaro un fir Le Monde gschribe.

Bis zue ihrem Dod isch er mit dr Sylvie Genevoix ghyrote gsii, wu Mitglid vum franzesische Conseil supérieur de l'audiovisuel (CSA) gsi isch.

Am 7. Jänner 2015 isch dr Maris zämme mit em Charb, em Cabu, em Tignous, em Wolinski, em Honoré, dr Elsa Cayat un fimf wytere Mänsche, drunder zwee Bolizischte, bim Terroraaschlag uf s Redaktionsbiro vum franzesische Satiremagazin Charlie Hebdo ermordet wore.^[1]

• Éléments des politique économique: L'Expérience française 1945 á 1984. 1985.
• Les Sept Péchés capitaux des universitaires, 1991.
• Jacques Delors, artiste et martyr. 1993.
• Parlant pognon mon petit. 1994.
• mit Philippe Labarde: Ah dieu! Que la guerre économique est jolie! 1998, ISBN 2-226-09574-8.
• Keynes ou l'économiste citoyen. 1999.
• Lettre ouverte au gourons de l'économie qui nous prennent pour des imbéciles. 1999.
• mit em Philippe Labarde: La Bourse ou la vie - La grande manipulation des petits actionnaires. 2000.
• Antimanuel d'économie: Tome 1, les fourmis. Bréal 2003, ISBN 2-7495-0078-8.
• Antimanuel d'économie: Tome 2, les cigales. Bréal 2006, ISBN 2-7495-0629-8.
• mit em Georges Vigarello u. a.:: Gouverner par la peur. 2007, ISBN 978-2-213-63287-2.
• Marx, ô Marx, pourquoi m'as-tu m'abandonné? Éditions Les Échappes, Paris 2010, ISBN 978-2-35766-022-9.

Essay

• L'Homme dans la Guerre, Maurice Genevoix face à Ernst Jünger. Grasset, Paris 2013, ISBN 978-2-246-80338-6.^[2]
• Houellebecq économiste. Flammarion, Paris 2014, ISBN 978-2-08-129607-7.

Roman

• Pertinentes Questions morales et sexuelles dans le Dakota du Nord. Albin Michel, Paris 1995, ISBN 2-226-06882-1.
• L'Enfant qui voulait être muet. Albin Michel, Paris 2003, ISBN 2-226-13603-7 .
• Le Journal. Albin Michel, Paris 2005, ISBN 2-226-15393-4.

• Bernard Maris in der Internet Movie Database

1. ↑ Bernard Maris: un pied à «Charlie», l'autre à la Banque de France. Le Monde, 7. Januar 2015, abgruefen am 8. Januar 2015 (französisch). 
2. ↑ Die Wahrheit aus dem Schützengraben. In: FAZ. 6. Dezember 2013, S. 33.