Université Saint-Joseph
| Université Saint-Joseph | |
|---|---|
 | |
| USJ-kampus in Damaskusstraat, Beiroet | |
| Gestig: | 1875 |
| Tipe: | Privaat universiteit |
| Godsdienstige Affiliasie: | Jesuïete, Rooms-Katoliek |
| Rektor: | Prof. Selim Daccache, S.J. |
| Studentetal: | 12 000 |
| Ligging: | Beiroet, Libanon
33°53′28″N 35°30′30″O / 33.89111°N 35.50833°O |
| Kampus: | Stedelik |
| Webtuiste: | www.usj.edu.lb |
 | |
Die Université Saint-Joseph de Beyrouth, kort USJ, is 'n privaat Rooms-Katolieke universiteit in Beiroet, Libanon, wat in 1875 deur Jesuïete gestig is. Die USJ word onder die beste tersiêre instellings in die Midde-Ooste gereken. Sy alumni sluit talle Libanese presidente, ministers, filosowe, intellektuele, geestelikes en ander bekende persoonlikhede in.
As Libanon se oudste en belangrikste Fransmedium-universiteit bevorder die USJ Libanese kultuur sonder enige godsdienstige affiliasies asook drietaligheid met Frans, Arabies en Engels as onderrigtale. Die USJ staan daarnaas bekend vir sy universiteitshospitaal Hôtel-Dieu de France.
Die USJ bied studies in twaalf fakulteite aan, wat net soos sy 24 institute en skole tussen vyf kampusse in Beiroet verdeel is. Daar is streekstakke in Sidon, Tripoli en Zahlé asook een studiesentrum in die buiteland, geleë in Doebai.