TSG Neustrelitz
 | |
| Volledige naam | Turn- und Sportgemeinschaft Neustrelitz e.V. |
| Stigtingsdatum | 1919 |
| Tuisveld | Parkstadion, Neustrelitz |
| Kapasiteit | 6 000 |
| Kompetisie | Oberliga Noordoos-Noord |
TSG Neustrelitz is 'n sportklub uit Neustrelitz in die deelstaat Mecklenburg-Voorpommeren in Duitsland, veral bekend vir sy sokkerafdeling. Behalwe sokker, het die klub ook afdelings vir gimnastiek, skaak en trompoppies.
Die klub is in 1919 gestig as Neustrelitzer Fußball Club, maar het later ook ander sportsoorte begin aanbied en sy naam verander na Neustrelitzer Sportverein. Die klub is in 1924 ontbind, maar die sokkerafdeling is in dieselfde jaar herstig as Ballspielverein 1919 Neustrelitz. In 1926 het die klub met SV Viktoria Neustrelitz (gestig in 1925) saamgesmelt en daardie klub se naam aangeneem. In 1931 het die klub met SG Corso Neustrelitz saamgesmelt om SG Corso Viktoria Neustrelitz te vorm. Die klub is aan die einde van die Tweede Wêreldoorlog deur die Geallieerdes ontbind en in 1946 herstig as SG Neustrelitz. Hierna het die klub in tipies Oos-Duitse styl verskeie naamsveranderinge ondergaan: BSG Konsum Neustrelitz (1949), BSG Empor Süd Neustrelitz (1951), BSG Motor Neustrelitz (1952), BSG Maschinelles Rechnen Neustrelitz (1971) en uiteindelik die huidige naam in 1975.
Die klub het verskeie seisoene in die 2de-vlak DDR-Liga deurgebring en het in 1964 die kwarteindstryd van die Oos-Duitse beker gehaal waar daar met 1-2 teen FC Carl Zeiss Jena verloor is.
Na die Duitse hereniging was die klub se grootste prestasie om die Mecklenburg-Voorpommerse uitklopbeker in 2007 te wen en sodoende toegang tot die hoofrondte van die DFB-Pokal te verkry.
Onlangse ligaposisionering
[wysig | wysig bron]
|
|
Eksterne skakels
[wysig | wysig bron]| Oberliga Noordoos-Noord 2007/08-seisoen | |
|
Berlin AK 07 | BFC Dynamo | Hertha BSC Berlyn II | BFC Preussen | Lichterfelder FC | | |
Normdata  |
|
|---|