Nieuport 11

Nieuport 11
'n Replika van die Nieuport 11 in Italiaanse kleure
Tipe	Vegvliegtuig
Vervaardiger	Nieuport
Ontwerp deur	Gustave Delage
Nooiensvlug	Vroeg 1915
Bekendstelling	5 Januarie 1916
Hoofgebruikers	Franse Lugmag Italiaanse Lugmag Russiese Lugmag

Die Nieuport 11 was 'n Franse vegvliegtuig wat gedurende 1915 in diens gestel was tydens die Eerste Wêreldoorlog. Dit het 'n einde gemaak aan die Duitse oorheersing van die lugruim, die sogenaamde Fokkerplaag. Die Nieuport 11 was ontwikkel vanaf die 1914 Bébé, 'n vliegtuig wat ontwerp was vir wedrenne. Die militêre weergawe het die bynaam behou. Die Nieuport 11 het die wesfront bereik in die somer van 1915 waar dit deur die Franse gebruik is asook in die Dardanelle waar dit dit deur die Britse Magte gebruik is. In die hande van 'n vaardige vlieënier het die vliegtuig die Fokker Eindecker oortref; dit was viniger en kon beter klim as die Eindecker. Die vliegtuig was aangedryf deur 'n Gnome of Le Rhône enjin van 80 perdekrag. Die Nieuport 11 se enigste swakpunt was dat die vlerke kon afskeur in vlug tydens duikvlugte.

Dit was toegerus met een Hotchkiss of Lewismasjiengeweer. Dit kon ook toegerus word met agt vuurpyle om lugballone af te skiet. Die vliegtuig was vervaardig in Rusland, Spanje en Nederland.

• Lys van vegvliegtuie

• Crosby, Francis: THE WORLD ENCYCLOPEDIA OF FIGHTERS & BOMBERS. 2015. ISBN 978-1-84476-917-9