Mixteeks

Hierdie artikel handel oor die taal. Vir die etniese groep, sien Mixteke.

Mixteeks tu'un savi, dà'àn davì
Uitspraak:	[tuʔũ saβi], [ðãʔã ðaβi]
Gepraat in:	Meksiko
Totale sprekers:	480 000[1]
Taalfamilie:	Otomangue  Mixteeks
Skrifstelsel:	Latynse alfabet
Amptelike status
Amptelike taal in:	Meksiko
Gereguleer deur:	INALI
Taalkodes
ISO 639-1:	geen
ISO 639-2:
ISO 639-3:	—
Nota: Hierdie bladsy kan IFA fonetiese simbole in Unicode bevat.

Mixteeks (tu'un savi, [tuʔũ saβi] of dà'àn davì, [ðãʔã ðaβi], letterlik: "taal van die reën"; Nahuatl: Mixtecatlahtolli, letterlik: "taal van die wolkeland"; Spaans: mixteco) is die derde belangrikste inheemse taal van Meksiko ná Nahuatl en Majaans met 480 000 sprekers in die Meksikaanse deelstate Oaxaca, Puebla, Guerrero en Chiapas. Mixteeks word deur die Mixteke, voorheen een van die Meso-Amerikaanse beskawings, gepraat en is sedert 2003 'n amptelike taal in Meksiko.

Mixteeks vorm 'n dialekkontinuum wat volgens verskeie ramings tussen 30 en 81 dialekte bevat en saam met die naburige Zapoteeks tot die taalfamilie Otomangue behoort. As gevolg van die geografiese fragmentering van die taalgebied bestaan sterk uiteenlopende streeksvariante. Mixteeks is 'n toontaal met 'n werkwoord-onderwerp-voorwerp-volgorde. Die taal is tot die Spaanse verowering in 'n eie glyfiese skrif geskryf en sedertdien word die Latynse alfabet gebruik. Hedendaags is die meeste Mixteke tweetalig met Spaans as tweede taal.

• Inheemse tale van die Amerikas

• Wikimedia Commons het meer media in die kategorie Mixteeks.

Hierdie artikel oor 'n taal, taalgroep of taalfamilie is slegs 'n saadjie. Jy kan help deur dit uit te brei.