Mark Phillips
Mark Anthony Peter Phillips (gebore 22 September 1948) is ’n voormalige perderuiter en die houer van ’n goue Olimpiese medalje. Hy was getroud met prinses Anne van die Verenigde Koninkryk. Hy is die seun van majoor Peter William Garside Phillips en Anne Patricia Phillips (gebore Tiarks). Hy skryf tans rubrieke vir die tydskrif Horse & Hound.
Hy en prinses Anne is op 14 November 1973 in die Westminster-abdy getroud. Hulle het twee kinders, Peter en Zara. Die egpaar is in 1992 geskei.
In Augustus 1985 het Phillips die pa geword van ’n dogter, Felicity, ná ’n buite-egtelike verhouding met ’n Nieu-Seelandse kunsonderwyseres, Heather Tonkin. In ’n vaderskapeis in 1991 is met ’n DNS-toets bewys dat Phillips wel die pa is.[1]
Op 1 Februarie 1997 is hy getroud met Sandy Pflueger, ook ’n ruiter, en die egpaar het ’n dogter, Stephanie.
Verwysings
[wysig | wysig bron]- Hierdie artikel is merendeels vertaal vanaf die Engelse Wikipedia-artikel en:Mark Phillips
