Lineêr B

Lineêr B
Soort skryfstelsel	Lettergreepskrif, met bykomende ideogramme
Tyd gebruik	Laat Bronstydperk
Rigting	Links na regs
Tale	Miceense Grieks
Stelsels
Moederstelsels	Lineêr A Lineêr B
Susterstelsels	Sipries-Minoïese lettergreepskrif‎‎
ISO 15924	Linb, 401
Unicode	U+10000–U+1007F sillabiese tekens U+10080–U+100FF ideogramme
Nota
Hierdie bladsy kan fonetiese IFA-simbole of letters uit ander alfabette bevat
Portaal    Skryfstelsels

Lineêr B is ’n lettergreepskrif wat gebruik is om Miceense Grieks, die vroegste bekende vorm van Grieks, mee te skryf. Dit was in gebruik verskeie eeue voor die Griekse alfabet. Die vroegste Miceense geskrifte dateer uit omstreeks 1450 v.C.^[1] Dit kom van Lineêr A, ’n onontsyferde skrif waarin Minoïes geskryf is.

Lineêr B, wat hoofsaaklik voorgekom het in paleisargiewe by Knossos, Sinodië,^[2] Pylos, Thebe en Micene,^[3] het verdwyn met die val van die Miceense beskawing aan die einde van die Bronstydperk. Geen tekens van die skrif kom in die daaropvolgende tydperk, die Griekse Donker Eeue, voor nie. Die skrif is ontsyfer deur die jong Engelse argitek en selfgeleerde linguis Michael Ventris.

Lineêr B bestaan uit sowat 87 sillabiese tekens en meer as 100 ideogramme. Laasgenoemde simboliseer voorwerpe en artikels en het geen fonetiese waarde nie.

Dit lyk of Lineêr B tot administratiewe sentrums beperk was. Min verskillende "handskrifte" is opgemerk: 45 in Pylos en 66 in Knossos.^[4] Dit lyk dus of die skrif net deur ’n gilde professionele skribas in die paleise gebruik is. Nadat die paleise vernietig is, het die skrif verdwyn.

Die volgende tabel bevat die sillabiese tekens wat deur Michael Ventris en John Chadwick ontsyfer is. Aanvangskonsonante word in die linkerkolom aangegee en klinkers in die boonste ry. Die transkripsie van die lettergreep word daarnaas aangegee (dit is dalk nie so uitgespreek nie), asook Bennett se nommer vir die teken, voorafgegaan deur ’n asterisk.

Erkende tekens van vorm V, CV[nota 1]
	-a		-e		-i		-o		-u
	𐀀	a *08	𐀁	e *38	𐀂	i *28	𐀃	o *61	𐀄	u *10
d-	𐀅	da *01	𐀆	de *45	𐀇	di *07	𐀈	do *14	𐀉	du *51
j-	𐀊	ja *57	𐀋	je *46			𐀍	jo *36
k-	𐀏	ka *77	𐀐	ke *44	𐀑	ki *67	𐀒	ko *70	𐀓	ku *81
m-	𐀔	ma *80	𐀕	me *13	𐀖	mi *73	𐀗	mo *15	𐀘	mu *23
n-	𐀙	na *06	𐀚	ne *24	𐀛	ni *30	𐀜	no *52	𐀝	nu *55
p-	𐀞	pa *03	𐀟	pe *72	𐀠	pi *39	𐀡	po *11	𐀢	pu *50
q-	𐀣	qa *16	𐀤	qe *78	𐀥	qi *21	𐀦	qo *32
r-	𐀨	ra *60	𐀩	re *27	𐀪	ri *53	𐀫	ro *02	𐀬	ru *26
s-	𐀭	sa *31	𐀮	se *09	𐀯	si *41	𐀰	so *12	𐀱	su *58
t-	𐀲	ta *59	𐀳	te *04	𐀴	ti *37	𐀵	to *05	𐀶	tu *69
w-	𐀷	wa *54	𐀸	we *75	𐀹	wi *40	𐀺	wo *42
z-	𐀼	za *17	𐀽	ze *74			𐀿	zo *20

• Lineêr A