Internet-rolprentdatabasis
| IMDb (Internet Movie Database) | |
|---|---|
 | |
| Tipe webblad | Databasis |
| Taal(e) | Engels |
| Registrasie | Opsioneel |
| Eienaar | Amazon.com |
| Opgerig | 17 Oktober 1990 |
| Huidige status | Aktief |
| URL | imdb.com |
Die Internet-rolprentdatabasis (of kortweg IMDb) is 'n aanlyn databasis met rolprente, televisiereekse, akteurs en rekenaarspeletjies. IMDb behoort sedert 1998 aan Amazon.com.
Oorsig
[wysig | wysig bron]Die IMDb webwerf bied uitgebreide inligting oor rolprente, soos die akteurs, skrywers en regisseurs. Persone wat die webwerf besoek kan resensies en beoordelings by rolprente voeg. IMDb bied talle soek-opsies. Dit is byvoorbeeld moontlik om twee akteurs se name in te sleutel te sien aan watter rolprente hulle saam gewerk het. Die webwerf bied ook 'n top-250 van hoogs gewaardeerde, en 'n top-100 van slegste rolprente soos deur hulle besoekers beoordeel. Die webwerf bied verder ook 'n boodskapbord (bulletinbord) waar rolprente en akteurs bespreek kan word.
Sedert 2003 het IMDb ook 'n aparte betaalde afdeling, genaamd IMDbPro. Hierdie webwerf bied die volledige inhoud van IMDb, met addisionele inligting, soos akteurs se persoonlike kontakbesonderhede, kalenders en meer nuus uit die vermaaklikheidsbedryf.
Geskiedenis
[wysig | wysig bron]IMDb het in 1990 vanuit die internet nuusgroep rec.arts.movies ontstaan, waar internetgebruikers aanvanklik inligting oor hulle gunsteling rolprente uitgeruil het. Die webwerf is sedertdien uitgebrei tot 'n volledige argief wat meer as 1 000 000 titels beskryf. Die webwerf word maandeliks meer as 100 miljoen keer besoek. Ongeveer 35 mense werk vir IMDb.
Kritiek
[wysig | wysig bron]- Van die populêre films het reeds tientalle resensies van gebruikers ontvang. Ongelukkig is meeste hiervan ongebalanseerd en onbetroubaar.[1]
- Ou produksies en produksies uit nie-westerse lande, soos lande met die tweede en derde grootste filmindustrieë ter wêreld (Indië en Nigerië) is glad nie goed verteenwoordig nie.[2]
- IMDb behou die reg om self te kies wat hulle wil publiseer al dan nie. Vir die rede kan inligting wat op die webwerf verskyn gou weer verdwyn, en andersins is dit soms moeilik om foute van die webwerf verwyder te kry.[3][4]
Verwysings
[wysig | wysig bron]- ↑ IMDb IMDb review (Internet Argief)
- ↑ IMDb - Countries Titels per land
- ↑ Do you IMDb? Artikel uit LA Weekly/Deadline Hollywood.
- ↑ Movies Reviews 2021[dooie skakel]
Eksterne skakels
[wysig | wysig bron]Normdata  |
|
|---|