Gerard ter Borch II

Gerard ter Borch II
Gerard ter Borch II
	; Selfportret circa 1668
Gebore	Desember 1617; Zwolle, Overijssel, Republiek van die Sewe Verenigde Nederlande (tans Nederland)
Sterf	8 Desember 1681 (op 64); Deventer, Overijssel, Republiek van die Sewe Verenigde Nederlande (tans Nederland)
Nasionaliteit	Republiek van die Sewe Verenigde Nederlande
Veld	Skildery

Gerard ter Borch (gebore in Zwolle, ? Desember 1617 – oorlede in Deventer, 8 Desember 1681), ook bekend onder die naam Gerard Terborch, was 'n Nederlandse kunsskilder. Hy is veral bekend vir sy klein en galante genrestukke, maar het ook portrette geskilder. Oor sy lewe is meer bekend as van vele ander skilders uit die sewentiende eeu.

Biografie

Gerard ter Borch het sy skildervaardighede by sy vader, Gerard ter Borch I (of Gerard ter Borch die Oue) wie 'n hoë amp beklee het, en wie self ook 'n amateur kunsskilder was, aangeleer. Gerard II het vir drie van sy eie kinders ook die kuns geleer. Sy dogter Gesina het in haar albums talryke familiegebeurtenisse vasgelê; sy seun Moses was in eie reg 'n talentvolle skilder maar het in 1667 by die vloot aangesluit maar in die Slag van Medway gesterf.

In 1933 het Gerard in Haarlem gaan werk in die ateljee van Pieter de Molijn. Sy landskappe is deur Ter Borch van figure voorsien. In 1635 het hy na Engeland verhuis en het hy sy oom besoek. Na sy oom oorlede is aan die pes is Gerard terug na Zwolle. Hy het vandaar na Italië gereis en hom in 1640 in Rome gevestig, maar het waarskynlik op pad ook Frankryk en die Suidelike Nederlande besoek

In 1645 keer hy terug na Nederland en gaan woon in Amsterdam. In 1646 het hy die Amsterdamse diplomaat Pauw na Münster vergesel en op die reis het hy een van sy beroemdste stukke geskilder: "Die Vredeskonferensie tussen Holland en Spanje". Hy wou so baie geld vir die werk hê dat hy dit uiteindelik nie kon verkoop nie. Een van die Spaanse diplomate genaamd Peñeranda het Ter Borch na Spanje geneem, waar hy o.a. Filips IV van Spanje geskilder het. In 1654 keer hy terug na Nederland.

In die jare vyftig het Ter Borch begin fokus op die genreskilderkuns. Op hierdie genrestukke is mense (soldate) in hulle daaglikse omgewing te sien, wat in onderlinge, soms in misterieuse of amoreuse onderlinge verhouding tot mekaar staan. Die genre is ontwikkel deur die Amsterdamse skilders Pieter Codde en Willem Duyster.

Hy was 'n leermeester vir o.a. Caspar Netscher en Gabriel Metsu, Frans van Mieris en Eglon van der Neer is deur Ter Borch se werke beïnvloed.

Hy is begrawe in die Grote of Sint-Michaëlskerk in Zwolle.^[1]

Werke

Titel	Land	Plek	Museum
Portret van Helena van der Schalcke (1646–1671) (circa 1648)	Nederland	Amsterdam	Rijksmuseum Amsterdam
Gerard Abrahamsz van der Schalcke (1609–67). Lakenkoper te Haarlem. (1644)	Nederland	Amsterdam	Rijksmuseum Amsterdam
Memorieportret van Moses ter Borch (1667–1669) Hierdie portret is saam met sy half-suster Gesina geskilder	Nederland	Amsterdam	Rijksmuseum Amsterdam
Portret van Godard van Reede van Nederhorst	Nederland	Amsterdam	Rijksmuseum Amsterdam
Aletta Pancras (1649–1707). Eggenote van François de Vicq	Nederland	Amsterdam	Rijksmuseum Amsterdam
Mark in Haarlem (circa 1634)	Nederland	Amsterdam	Rijksmuseum Amsterdam
Seun met neergeslane oë (circa 1675)	Nederland	Amsterdam	Rijksmuseum Amsterdam
Vrou voor 'n spieël (circa 1650)	Nederland	Amsterdam	Rijksmuseum Amsterdam
Meisie, landelik geklee (waarskynlik Gerard se half-suster Gesina) (circa 1650)	Nederland	Amsterdam	Rijksmuseum Amsterdam
Die briefskryfster (circa 1655)	Nederland	Den Haag	Mauritshuis
Selfportret (circa 1668)	Nederland	Den Haag	Mauritshuis
Portret van Anthonie Charles de Liedekercke, sy vrou Willemina van Braeckel en hul seun Samuel (1650–1655)	Nederland	Haarlem	Frans Hals Museum
Die spinster (circa 1653)	Nederland	Rotterdam	Museum Boijmans Van Beuningen
Portretminiatuur van Don Caspar de Bracamonte y Guzmán, Conde de Peñeranda (1596–1676), leier van die Spaanse afvaardiging by die vredesonderhandeling te Münster. (1645–1648)	Nederland	Rotterdam	Museum Boijmans Van Beuningen
Die Luttekepoort in Zwolle (circa 1650)	Nederland	Zwolle	Onbekend
Portret van Andries de Graeff (1674)	Nederland	Onbekend	Onbekend
Portret van Jacob de Graeff (tweede helfte van die 17e eeu)	Nederland	Amsterdam	Rijksmuseum Amsterdam
Portret van Cornelis de Graeff (circa 1673)	Nederland	Amsterdam	Mauritshuis
Galante gesprek Ook: Die vaderlike vermaning (circa 1654)	Duitsland	Berlyn	Gemäldegalerie
Die konsert (1655)	Duitsland	Berlijn	Gemäldegalerie Berlin
Die triktrakspel (circa 1640)	Duitsland	Bremen	Kunsthalle Bremen
Die luitspeelster	Duitsland	Dresden	Gemäldegalerie Alte Meister
Dame wat haar hande was	Duitsland	Dresden	Gemäldegalerie Alte Meister
Skrywende offisier, met 'n trompetter	Duitsland	Dresden	Gemäldegalerie Alte Meister
Die brief (>1660)	Duitsland	München	Alte Pinakothek
Seun besig om hondjie te vlooi	Duitsland	München	Alte Pinakothek
Die leser	Duitsland	Schwerin	Staatliches Museum Schwerin
Die galante soldaat	Frankryk	Parys	Louvre
Vrou wat appels skil (circa 1660)	Oostenryk	Wenen	Kunsthistorisches Museum Wien
Hermana von der Cruysse (1615–1705) (1667–1669)	Oostenryk	Wenen	Kunsthistorisches Museum Wien
Portret van 'n vrou	Rusland	Moskou	Poesjkinmuseum
Die beswering van de vrede tussen die Nederlande en Spanje (Vrede van Münster) (1648)	Verenigde Koninkryk	Londen	National Gallery
Offisier wat 'n brief dikteer (1655–1658)	Verenigde Koninkryk	Londen	National Gallery
Vrou wat theorbe bespeelt (1667–1668)	Verenigde Koninkryk	Londen	National Gallery
Dame aan toilettafel	Verenigde Koninkryk	Londen	Wallace Collection
Dame in haar kamer (1660)	VSA	Detroit, MI	Detroit Institute of Arts
Die Koeistal (circa 1650)	VSA	Los Angeles	Getty Center