Franke (streek)

Franke (Duits: Franken) is 'n streek in die suide van Duitsland wat hoofsaaklik oor die noorde van Beiere, die noord-ooste van Baden-Württemberg en Suid-Thüringen strek. Die behels slegs die oostelike deel van die historiese Hertogdom Franke.

Die twee grootste stede in Franke is Neurenberg (Nürnberg) en Würzburg. In politieke opsig word die streek tans in die drie administratiewe geweste Mittelfranken, Oberfranken en Unterfranken in Beiere en Heilbronn-Franken in Baden-Württemberg verdeel.