Foto na Dans
Foto na Dans | |
|---|---|
| Ook bekend as | FND |
| Oorsprong | Bellville, Suid-Afrika |
| Genres | Emo, poppunk, alternatiewe rock, progresiewe rock |
| Instrumente | Kitaar, baskitaar, klavier, trompet |
| Jare aktief | 2005 - hede |
| Webwerf | fotonadans.co.za |
| Lede | Le-Roi Nel (sang, kitaar) Neil Basson (kitaar, sang) John Haveman (baskitaar) Alex Fourie (trompet, klavier) Dirkie Uys (tromme) |
Foto na Dans of FND was 'n Afrikaanstalige Suid-Afrikaanse musiekgroep wat gevorm is nadat vyf ouens dit gestig het slegs omdat hulle gevoel het hulle 'n behoefte het om musiek te maak.[1] Dit het die groep omtrent sewe jaar geneem om lede vir die groep te vind wat na hul sin die regte kombinasie sou wees. Ál die lede behalwe Nel was voorheen lede van Trompie is Dood, wat die nasionale hoërskool rockkompetisie Rockspaaider gewen het in 2005. Van die lede van Trompie is Dood het die groep verlaat wat veroorsaak het dat die groep 'n sanger benodig het. Nel kon hierdie gaping vul.
Die groep word deur groepe soos Muse, Bloc Party, Springbok Nude Girls en Incubus geïnspireer, maar erken dat hul musiek selde ten volle met enige musiekstyl vergelyk kan word.
Foto na Dans is 'n projek wat streef daarna om die genot wat hulle uit musikale sintese put met almal wat belang stel te deel. Hulle noem hulself 'n "Kulturele, musikale/multi-media reis wat oop is vir jou" en meld dat hulle 'n konsekwente visie het wat lui: "'n magdom klanke/visuele as simbool van ons gevoelens/idees/gedagtes".
Die groep se debuutvideo, Huiwerig, het binne 'n paar weke die A-lys op MK89 gehaal. Nadat hul kortspeler in Januarie uitgereik is, het Foto na Dans se optredes begin opslae maak. Die video van Soldaatvolk was drie weke agtereenvolgens nommer een op MK89 se Top-tien. Foto Na Dans het 'n EP vrygestel op 13 Augustus 2008, Pantomime op Herwinbare Klanke. In 2010 het hulle hul laaste CD, Die Vloed vrygestel. Op 18 Januarie 2012 kondig die groep deur sy Facebookblad aan dat hulle na afloop van hul laaste toer vir ’n onbepaalde tyd ’n breuk sou neem.[2]
Diskografie
[wysig | wysig bron]Ateljeealbums
[wysig | wysig bron]- Intervensie (2007)
- Pantomime op Herwinbare Klanke (2008)
- Die Vloed (2010)
Intervensie (2007)
[wysig | wysig bron]Foto na Dans het in Junie/Julie 2007 hul eerste vollengte (12-snit) ateljeealbum, Intervensie, in B-Sharp Studios in Boksburg opgeneem. Hulle sou teen die einde van September 2007 met die album begin toer het.
EP's
[wysig | wysig bron]- Foto Na Dans EP (2007)
Enkelsnitte
[wysig | wysig bron]| Titel | Album | Uitgewer |
|---|---|---|
| "Huiwerig" | Foto Na Dans EP, 2007 | Rhythm Records |
| "Soldaatvolk" | Foto Na Dans EP, 2007 | Rhythm Records |
| "Vergeet Van My" | Intervensie, 2007 | Rhythm Records |
| "Hou Jou Hande by Mekaar" | Intervensie, 2007 | Rhythm Records |
| "Natuurlik Verlig" | Pantomime Op Herwinbare Klanke, 2008 | Rhythm Records |
| "Die Wals" | Intervensie, 2009 | Rhythm Records |
Sien ook
[wysig | wysig bron]Eksterne skakels
[wysig | wysig bron]- Foto na Dans se MySpace-bladsy
- Videosnit van 'n onderhoud en 'n regstreekse optrede - by News24.com. Geargiveer 30 September 2007 op Wayback Machine (en)
Verwysings
[wysig | wysig bron]- ↑ Foto na Dans se MySpace
- ↑ "Foto na Dans - Die laaste dans" (html). Foto na Dans. 18 Januarie 2012. Geargiveer vanaf die oorspronklike op 19 April 2020. Besoek op 22 Junie 2012.
