Aethelwulf van Wessex

Ethelwulf
Koning van Engeland
Huis	Wessex
Regeer	839 – 856
Voorganger	Egbert
Opvolger	Ethelbald
Eggenote	Osburga Judith van Wes-Frankië
Kinders	Ethelstan Ethelswith Ethelbald Ethelbert Ethelred Alfred die Grote
Gebore	800
Oorlede	858
Vader	Egbert
Moeder	Redburga

Ethelwulf of Edelwolf (ca. 800 – 858) was koning van Wessex (839-856) en van Kent (825-856), Essex en Sussex.

Hy was die oudste seun en die opvolger van die eerste koning van Engeland, Egbert. Op sy versoek het elkeen van sy seuns ’n beurt gehad om te regeer.

Hy het die Vikings beveg wat Engeland in toenemende mate binnegeval het. Hy het ’n groot oorwinning behaal, waarskynlik by die huidige Ockley. Saam met Mercia het hy ook Cyngen ap Cadell van Wallis verslaan.

Ná die dood van sy vrou, Osburga, in 855 het hy op ’n pelgrimstog na Rome gegaan, vergesel van sy jongste seun, Alfred. Ná sy terugkeer in 856 en sy huwelik met Judith van Wes-Frankië, ’n dogter van Karel die Kale, is hy deur sy seun Ethelbald van die troon gesit.

Hy is op 13 Januarie 858 dood en is in Winchester begrawe,^[1]

Hierdie artikel is merendeels vertaal vanaf die Nederlandse Wikipedia-artikel nl:Ethelwulf van Wessex