Berlin AK 07

Berlin AK 07

Volledige naam	Berlin Ankaraspor Kubülü 07 e.V.
Stigtingsdatum	15 Desember 1907
Tuisveld	Friedrich Ludwig Jahn Sportpark, Berlyn
Kapasiteit	20 000
Kompetisie	Oberliga Noordoos-Noord

Berlin Ankaraspor Kulübü 07 is 'n Duitse sokkerklub uit Berlyn. Die klub is gestig as Berlin Athletik Klub en is tans 'n multi-kulturele Duits-Turkse vereniging met bande met professionele sokker in Turkye.

Die vereniging is in 1907 gestig in die Wedding-distrik (Berlyn) as 'n atletiekklub en 'n sokkerafdeling is in 1908 opgerig.

Die klub het grotendeels in die laer Berlynse ligas deelgeneem en speel tans in die Oberliga, wat in 2000 bereik is.

Berliner AK 07 het in 2004 met BSV Mitte saamgesmelt: Mitte is vroeër gevorm deur samesmeltings tussen die Turks-etniese klubs BFC Güneyspor en Fenerbahce Berlyn. Die nuwe klub het in 2006 'n samewerkingsooreenkoms met die eersteliga Turkse span Ankaraspor gesluit en die naam Berlin Ankaraspor Kulübü 07 aangeneem. Ahmet Gökcek, die seun van die burgemeester van Ankara, is as die klubvoorsitter aangewys.

Berliner AK 07 het tradisioneel sy tuiswedstryde gespeel in die Sportanlage Lüderitzstraße (kapasiteit
3 000). Sedert die 2006/07-seisoen het die span na die Friedrich Ludwig Jahn Sportpark verskuif, naas die Olimpiese stadion die grootste stadion in Berlyn.

• Amptelike klubblad Geargiveer 6 Oktober 2007 op Wayback Machine
• Abseits Guide to German Soccer
• Amptelike klubblad van Ankaraspor in Turkye Geargiveer 19 Julie 2013 op Wayback Machine