方程式

喺數學入面，方程（或者叫方程式）係由一條或者多條等式組成。每條等式內，都表示兩邊表達式，係相等嘅。方程通常含未知數，以已知數去求未知數，從而得出答案，呢個過程叫解方程，而答案數字叫解。有啲方程，根本解唔到未知數。例如，兩邊係同一樣嘢，只係表達式唔同寫法，兩邊係永遠一樣，因此叫恆等式。而有一啲，兩邊表達式有矛盾，就叫矛盾式。

現代方程，都用西洋數學方式表達。

${\displaystyle x+3=5\,}$

當中等號，分開兩邊表達式。呢兩邊表達式，都係相等。等號兩橫同長兼平行，代表相等。x 係未知數，3同5係已知數。求解得出x爲之2。