Giovanni Boccaccio

Giovanni Boccaccio (Certaldo o Firense 1313 - Certaldo, 21 de diçenbre 1375), el xe sta on poeta e on proxatore e anca ł'autore del famoxo Decameron. El só łavoro el xe sta de ispirasion par paréci altri scrituri, come Geoffrey Chaucer, pare de ła łiteratura inglexe.

Boccaccio nase inte el 1313 probabilmente a Certaldo ma el xe sta 'levà a Firense. Non se ga notisie de so mare. So pare el ga provà a indirisarlo ai afari, mandandoło a Napołi, roba che el xovane Boccaccio no ghe piaxeva e ałora so pare ło ga indirisà al studio del dirito canonico. Fra el 1330 e el 1331, a ł'università de Napołi el insegna dirito canonico.

Inte el 1340 el ritorna a Firense a cauxa de on grave disesto finansiario del pare. Fra el 1346 e el 1348 el vive a Ravena e a Forlì, dove el xe sta ospite de Francesco II Ordelaffi e el ga frequentà i poeti Nereo Morandi e Francesco Miletto de Rossi, dito Checo.

In seguito, el xe tornà a Firense dove el xe scampà a ła peste e dove el se ga stabilio definitivamente inte el 1349, a ła morte del pare, par occuparse del patrimonio de ła famija che gera vansà.

Inte el 1351 el va a Pàdoa, dove el serca invano de convinsare el Petrarca a tornare a Firense pare insegnare.

Intorno al 1370 el se ga ritirà definitivamente inte ła so casa de Certaldo dedicandose a ła rełijon.

Scritori tałiani · Scritori par nasionałità

Scritori tałiani del Doxento · Trexento · Quatrosento · Sinquesento · Siesento · Setesento · Otosento · Novesento · Domiła

 

Poeti tałiani.

Doxento · Trexento · Quatrosento · Sinquexento · Siesento · Setesento · Otosento · Novesento

 

• Wikimedia Commons el detien imàjini o altri file so Giovanni Boccaccio
• Scholia el detien schemi gràfeghi so Giovanni Boccaccio