Sabo

El sabo el xe el dì de ła setimana tra el vénere e ła doménega, dal latin sabbatum che ven a só volta dal'ebraico shabbath, dì dedicà al riposo.

Par el mondo roman, prima che vegnese el cristianesimo, el se ciamava Saturni dies, dì de Saturno, doparà oncora deso Inte i paesi de lengoa inglese (Saturday) e del nord Europa.

Par l'ebraismo el xe un dì sacro de riposo setimanałe dal laoro (Esodo 20,10) e de celebrasion del'opera salvatrice de Dio (Deuteronomio 5,12-15), prescrito inte i diese comandamenti.