Татар балалар нәшрияты
| Викибирелмәләрнең буш элементы |
| Татар балалар нәшрияты | |
| Татарское детское идательство | |
_%D0%BB%D0%BE%D0%B3%D0%BE%D1%82%D0%B8%D0%B1%D1%8B.jpg) Татар балалар нәшрияты логотибы | |
| Адресы: |
420047 Казан шәһәре, 3нче Армавир ур., 8; тел. +7(843) 5183406 |
|---|---|
| Оешма төре: |
АНО |
| Җитәкчеләр | |
| Директор |
Дамир Искәндәр улы Бариев[1] |
| Башкарма директор |
Алсу Мәрданова |
| Нигезләү | |
| tdpress.ru | |
Татарстан китап нәшрияты белән бутамагыз.
Татар балалар нәшрияты (рус. АНО «Татарское детское идательство») ― Татарстан Республикасы башкаласы Казан шәһәрендә урнашкан автоном коммерциягә карамаган оешма (нәшрият). Идел буеның иң эре балалар нәшрияты булып тора һәм Россия Федерациясе Мәгариф һәм фән министрлыгы нәшриятларының федераль исемлегенә керә[2]. Рус, татар, чуаш, мари, мордва, удмурт һәм хәтта инглиз телендә сөйләшүче балалар да укый ала торган матур итеп сурәтләнгән әкиятләр, дәреслекләр һәм үстерә торган көндәлекләр чыгару белән шөгыльләнә.
Тарих
[үзгәртү | вики-текстны үзгәртү]Татар балалар нәшрияты 2015 елда нигезләнгән[3], 29 майда теркәлү үткән[4].
Россия Федерациясе Мәгариф һәм фән министрлыгының 2016 елның 09 июнендәге 699 номерлы «Башлангыч гомуми, төп гомуми, урта гомуми белемнең дәүләт аккредитациясе булган уку-укыту программаларын гамәлгә ашырганда файдалануга рөхсәт ителә торган уку әсбаплары чыгаруны гамәлгә ашыручы оешмалар исемлеген раслау турында» боерыгы белән Россия Федерациясе Мәгариф һәм фән министрлыгы нәшриятларының федераль исемлегенә кертелгән, әлеге боерык Россия Федерациясе Юстиция министрлыгында 2016 елның 4 июлендә 42729 номеры белән теркәлү үткән.
Нәшрият Россия «АСКИ» китап нәширләре ассоциациясе (Russian Publishers Association) әгъзасы булып тора (ассоциация президенты К. В. Чеченев)[5].
Нәшриятның максаты ― балаларның туган телләрен һәм мәдәниятләрен белүләренә, туган як тарихын хөрмәт итеп тәрбияләнүләренә, бөек Ватаныбыз белән горурлануларына һәм киләчәктә ул тагын да матуррак һәм көчлерәк булсын өчен барысын да эшләүләренә булышлык итү. Нәшрият Идел буенда яшәүче халыкларның мәдәни-тарихи мирасын һәм мәдәни үзенчәлеген саклау һәм үстерү бурычларын хәл итүгә ярдәм итә.
Тасвирлама
[үзгәртү | вики-текстны үзгәртү]Татар балалар нәшрияты балалар өчен рус, татар һәм Идел буе халыкларының башка телләрендә (чуаш, мари, мордва, удмурт), шулай ук инглиз телендә заманча (инновацион) белем бирү, нәфис-анимацион, культурологик һәм мәдәни-тарихи басма һәм электрон басмалар чыгара.
Нәшрият ― өстәмә чынбарлык технологиясен («җанлана» торган рәсемнәр белән), мобиль уеннар, белем бирүче мобиль кушымталар һәм мультфильмнар кулланып, татар, рус һәм инглиз телләрендә инновацион балалар басмаларын чыгару буенча лидер.
Татар балалар нәшрияты Татарстан Республикасы Фәннәр академиясе, Татарстан халыклары ассамблеясе, Удмуртия, Чувашия, Мордовия һәм Мари Республикаларыннан филология, туган якны өйрәнү, этнография өлкәсендә абруйлы белгечләр белән тыгыз хезмәттәшлектә эшли.
Нәшрият Татарстан Республикасы Мәдәният министрлыгы, Татарстан Республикасы Фәннәр академиясенең (ТР ФА) Ш. Мәрҗани исемендәге Тарих институты, ТР ФА Татар энциклопедиясе институты, Казан федераль университеты, ТР ФА Г. Ибраһимов исемендәге Тел, әдәбият һәм сәнгать институты, «Татмедиа» Республика матбугат һәм массакүләм коммуникацияләр агентлыгы, Татарстан Республикасы Милли китапханәсе, Татарстан Республикасы Милли музее, Бөтендөнья татар конгрессы, «Республика традицион мәдәниятне үстерү үзәге» ДБУ, Татарстан Республикасы Мәгълүмати технологияләр үзәге[6] белән хезмәттәшлек итә.
Татар балалар нәшрияты чыгарган басмалар Россия Фәннәр Академиясенең педагогик һәм фәнни экспертизасын узган һәм Федераль дәүләт белем бирү стандартына тулысынча туры килә.
Нәшриятның күп кенә басмалары кәгазьдә генә түгел, электрон вариантта да чыга, сүзлекләрне шунда ук мобиль кушымталар рәвешендә чыгара.
|
Хәзерге дөньяда форма эчтәлектән өстен чыга. Без моны исәпкә алабыз һәм мәгълүмат һәм күңел ачулар белән «тулган» баланы да мавыктыра торган заманча китаплар булдырабыз. Әйе, балалар хәзер, йомшак итеп әйткәндә, аз укый, әмма аларның сыйфатлы китаплары һәм дәреслекләре булырга тиеш, һәм без моның өстендә эшлибез[3] Алсу Мәрданова, ТБН башкарма директоры
|
|
Нәшрият гомумроссия (мәсәлән, «Кызыл мәйдан»[d] (Красная площадь) Мәскәү китап фестивале) һәм республика төбәк китап күргәзмәләрендә һәм фестивальләрендә даими катнаша. Нәшрият шулай ук дөньякүләм китап күргәзмәләрендә, фестивальләрдә һәм ярминкәләрдә дә балалар өчен китаплар (мәсәлән, 2017 елда Италиянең Болонья шәһәрендә «Мирас угы» (Стрела наследия / Heritage arrow) инновацион китабын[7]) тәкъдим иткән[8].
Уңышлары
[үзгәртү | вики-текстны үзгәртү]- 2023 ― Бөтенроссия «Ключевое слово» иҗтимагый премиясе (Милләтләр эшләре буенча федераль агентлык, ФАДН[d]) ― «иң яхшы нәшрият проекты» номинациясендә җиңүче ― рус, татар, мари, чуаш, удмурт һәм мордва халык әкиятләре мотивлары буенча нәфис-анимацион басмалар сериясе өчен[9].
Искәрмәләр
[үзгәртү | вики-текстны үзгәртү]- ↑ Бариев Дамир Искандерович. checko.ru
- ↑ Татарское Детское Издательство Вконтакте
- ↑ 3,0 3,1 Татарское детское идательство / Что (кроме Тукая) публикуют татарстанские книжные издательства. Инде
- ↑ АНО «Издательство «ТДИ». companies.rbc.ru
- ↑ Татарское детское идательство / Члены АСКИ. Ассоциация книгоиздателей России (АСКИ)
- ↑ Главная. CIT
- ↑ Стрела наследия (“Мирас угы”/ "Heritage arrow") +DVD - на трех языках. tatbook.ru
- ↑ ТДИ В России и мире. tdpress.ru
- ↑ Татарское детское издательство победило в конкурсе ФАДН. Портал Ассамблеи и Дома Дружбы народов Татарстана, 12.12.2023