Hilagang Aprika

Ang Hilagang Aprika o Hilagaing Aprika ay ang pinakahilagang rehiyon sa kontinente ng Aprika. Sa heopolitika, kabilang sa kahulugan ng Hilagang Aprika ng UN ang mga sumusunod na pitong bansa at teritoryo; Algeria, Ehipto, Libya, Maruekos, Sudan, Tunisia at Kanluraning Sahara. Ang mga bansa ng Algeria, Maruekos, Tunisia, at Libya ay madalas na kolektibong tinutukoy bilang ang Maghreb; kung alin ay ang Arabeng salita para sa "paglubog ng araw".

Nasa katimugang baybayin ng Dagat Mediteraneo ang Kastilang exclave na plazas de soberanía, napapaligiran sa loob ng Maruekos.

Nasa hilagang-kanluran ng Aprika ang Mga Pulo ng Canary ng Espanya at Mga Pulo ng Madeira ng Portugal sa Hilagang Karagatang Atlantiko at kadalasang kabilang sa rehiyon.