தாடிக்கொம்பு

தாடிக்கொம்பு
பேரூராட்சி
தாடிக்கொம்பு சௌந்தரராஜ பெருமாள் கோயில்
தாடிக்கொம்பு தமிழ்நாட்டின் திண்டுக்கல் மாவட்டத்தில் தாடிக்கொம்பு
ஆள்கூறுகள்: 10°27′59″N 77°59′23″E / 10.46639°N 77.98972°E / 10.46639; 77.98972
நாடு	இந்தியா
மாநிலம்	தமிழ்நாடு
மாவட்டம்	திண்டுக்கல்
மக்கள்தொகை  (2011)
• மொத்தம்	18,838
மொழிகள்
• அலுவல் மொழி	தமிழ் மொழி
நேர வலயம்	ஒசநே+5:30 (இந்திய சீர் நேரம்)
இணையதளம்	www.townpanchayat.in/thadicombu

தாடிக்கொம்பு (ஆங்கிலம்:Thadikombu), இந்தியாவின் தமிழ்நாடு மாநிலத்தில் அமைந்துள்ள திண்டுக்கல் மாவட்டம், திண்டுக்கல் மேற்கு வட்டத்தில் இருக்கும் ஒரு பேரூராட்சி ஆகும். இவ்வூரில் சௌந்தரராஜ பெருமாள் கோயில் உள்ளது. மற்றும் மறவப்பட்டியில் *சந்தியாகப்பர் திருத்தலம்* உள்ளது.

தாடிக்கொம்பு பேரூராட்சி திண்டுக்கல்லிருந்து 11 கிமீ தொலைவில் உள்ளது. இதனருகே அகரம் பேரூராட்சி 3 கிமீ; வடக்கில் வேடசந்தூர் 18 கிமீ தொலைவில் உள்ளது.

25 சகிமீ பரப்பும், 15 பேரூராட்சி மன்ற உறுப்பினர்களையும், 47 தெருக்களையும் கொண்ட இப்பேரூராட்சி ஆத்தூர் (சட்டமன்றத் தொகுதி)க்கும், திண்டுக்கல் மக்களவைத் தொகுதிக்கும் உட்பட்டது. ^[1]

2011-ஆம் ஆண்டு மக்கள் தொகை கணக்கெடுப்பின்படி இப்பேரூராட்சி 4,777 வீடுகளும், 18,838 மக்கள்தொகையும் கொண்டது. மேலும் இப்பேரூராட்சியின் எழுத்தறிவு 76.3% மற்றும் பாலின விகிதம் 1,000 ஆண்களுக்கு, 1,022. பெண்கள் வீதம் உள்ளனர். குழந்தைகள் பாலின விகிதம் 1000 ஆண் குழந்தைகளுக்கு, 949 பெண் குழந்தைகள் வீதம் உள்ளனர். பட்டியல் சாதியினரும் பட்டியல் பழங்குடியினரும் முறையே 5,203 மற்றும் 0 ஆகவுள்ளனர். ^[2]

நாயக்கர் மன்னர்கள் காலத்தில் உருவான பிரசித்தி பெற்ற ஊர் தாடிக்கொம்பு. தாடி என்றால் பனைமரம் , கும்பு என்றால் கூட்டம் என்று பெயர் படுவதால் இவ்வூருக்கு தாடிக்கொம்பு எனப்பெயராயிற்று. தாடி கும்ப்பு (பனைமரக்கூட்டம்) என்பது மருவி தாடிக்கொம்பு என்றாகியது. மிகவும் சிறப்பு வாய்ந்த விஜயநகர பேரரசின் அச்சுதேவராயரால் கட்டப்பட்ட பெருமாள் கோவில் இவ்வூருக்கு சிறப்பு செய்கின்றது .

1. ↑ தாடிக்கொம்பு பேரூராட்சியின் இணையதளம்
2. ↑ Thadikombu Population Census 2011

தமிழ்நாடு தொடர்புடைய இந்த குறுங்கட்டுரையை தொகுத்து விரிவாக்குவதன் மூலம் நீங்களும் இதன் வளர்ச்சியில் பங்களிக்கலாம்.