அனல் மின் நிலையம்

அனல் மின் நிலையம் (Thermal Power Plant) என்பது மின்சாரம் உற்பத்தி செய்யும் மின்நிலையங்களில் ஒன்றாகும். இவ்வகை மின் நிலையங்களில் நீராவி உருளைகள் சுழற்றப்படும்போது கிடைக்கும் இயந்திர ஆற்றலைக் கொண்டு மின்சாரம் உற்பத்தி செய்யப்படுகிறது.பொதுவாக வெப்ப ஆற்றலை வெளிப்படுத்தக்கூடிய பொருட்களை எரித்து, அதனின்று வெளிப்படும் வெப்பத்தினால் நீராவி உற்பத்தி செய்து, அதனால் நீராவிச்சுழலியை இயக்கி, அதனுடன் இணைக்கப்பட்டுள்ள ஜெனரேட்டரிலிருந்து மின் சக்தியை உற்பத்தி செய்வது அனல்மின் நிலையம் ஆகும்.^[1][2][3]

இந்த முறையிலான மின்னுற்பத்திக்கு நீர், நிலக்கரி ஆகியவை முக்கிய தேவைகள் என்பதால், இவை அதிகமாக அல்லது எளிதாகக் கிடைக்கக் கூடிய இடங்களில், அனல் மின் நிலையங்கள் நிறுவப்படுகின்றன. பொதுவாக அனல் மின் நிலையங்கள் நிலக்கரியை எரிபொருளாக உபயோகித்தாலும், இயற்கை எரிவாயு மற்றும் எண்ணெய் ஆகியவற்றை எரிபொருளாகக் கொண்ட பல அனல் மின் நிலையங்களும் அமைக்கப்பட்டுள்ளன.

அனல் மின் நிலையங்களில் நிலக்கரியை எரித்தல் மூலமாக வெளியாகும் முதன்மையான வளிமங்கள், கரியமில வாயு (CO₂), நைட்ரசன் ஆக்சைடுகள், சல்பர் ஆக்சைடுகள், குளோரோபுளோரோகார்பன்கள் (CFCs) மற்றும் உலைச் சாம்பல், புகைக்கரி உள்ளிட்ட காற்றில் பரவும் கனிமப் பொருள்கள். இவற்றுள் CO₂, CFC ஆகியவை பைங்குடில் வளிமங்கள்; இவற்றால் புவியில் காலநிலை மாற்றம் நிகழும் வாய்ப்புகள் உள்ளன^[4].

1. காந்திநகர் அனல் மின் நிலையம் - குஜராத்
2. ராஜீவ் காந்தி அனல் மின் நிலையம் - ஹரியானா
3. சஞ்சய் காந்தி அனல் மின் நிலையம் - மத்தியப் பிரதேசம்
4. துர்காபூர் அனல் மின் நிலையம் - மேற்கு வங்காளம்
5. பானிபட் அனல் மின் நிலையம் 1 - ஹரியானா
6. ராஜ்காட் மின் நிலையம் - தில்லி
7. தூத்துக்குடி அனல் மின் நிலையம் - தமிழ்நாடு

1. நுரைச்சோலை அனல்மின் நிலையம் - வடமேல் மாகாணம், இலங்கை
2. சம்பூர் அனல்மின் நிலையம் - திருக்கோணமலை

1. ↑ the early days of the power station industry (in ஆங்கிலம்). CUP Archive. 1940.
2. ↑ Maury Klein, The Power Makers: Steam, Electricity, and the Men Who Invented Modern America Bloomsbury Publishing USA, 2009 பன்னாட்டுத் தரப்புத்தக எண் 1-59691-677-X
3. ↑ "DOE – Fossil Energy: How Turbine Power Plants Work". Fossil.energy.gov. Archived from the original on May 27, 2010. பார்க்கப்பட்ட நாள் 2011-09-25.
4. ↑ "Status and Environmental Impact of Emissions from Thermal Power Plants in India". tandfonline. பார்க்கப்பட்ட நாள் 21 Jan 2022.

விக்கிமூலத்தில் பின்வரும் தலைப்பிலான எழுத்தாக்கம் உள்ளது:

இளையர் அறிவியல் களஞ்சியம்/அனல் மின்சாரம்