Grace Gao (mwanaharakati)

Grace Gao (anajulikana pia kama Grace Geng^[1]; amezaliwa 1993) ni mwanaharakati wa haki za binadamu nchini Uchina. Yeye ni binti Gao Zhisheng, wakili wa Kichina wa haki za binadamu na mpinga sera za serikali.^[2] Yeye na familia yake wamepelelezwa, kupigwa, na kutishwa na mamlaka za Uchina.^[2] Anaelimisha kimataifa ili kutangaza kitabu cha baba yake A China More Just na kutilia mkazo kwenye kesi yake (kwa sasa, ametoweka na mamlaka za Uchina zinahusika na kutoweka kwake^[3]), na kusema dhidi ya ukiukwaji wa haki za binadamu nchini Uchina.^[2] "Kwa hiyo, ninajikuta katika nafasi ya kuchukua vazi hilo na kuwa mtetezi wa haki za binadamu kama baba yangu... Ukweli ni nguvu na nitaendelea kuongea mpaka baba yangu awe huru".^[4][5]

Gao alikuwa akisindikizwa kwenda shuleni kila siku na maafisa wa polisi ambao walimfuata kila alikoenda.^[2] Grace alijijeruhiwa kwa sababu ya huzuni na maumivu^[6] na, akiwa na umri wa miaka 17, alijaribu kujiua mara kadhaa. Alipata ugumu kuelewa maamuzi ya baba yake.

Baada ya Gao kuzuiwa na serikali kuhudhuria shule,^[2] mama yake aliamua kuwasafirisha yeye pamoja na kaka yake (Peter, b. 2005) kutoka Uchina.^[2] Mnamo tarehe 9 Januari 2009, walikimbilia Uthai kwa usafiri wa pikipiki na basi (wakiwa wamejificha kwenye sehemu ya kubeba mizigo),^[7] kisha wakaenda Merika ambako walipewa hifadhi ya kisiasa.^[7][8] Huko New York, Grace alipata matibabu hospitalini kwa miezi sita kwa maswala ya afya ya akili lakini bado ilikua ngumu kuamini watu. Alijifunza kumwelewa baba yake^[7] na kumsaidia.

Grace alijifunza Kiingereza baada ya kuhamia Merika, alihitimu shule ya upili akiwa na miaka 20,^[7] na kuendelea kusoma uchumi katika chuo kikuu cha California.