Director Kenny

Kenned David Sanga (amezaliwa 22 Septemba, 1997), anajulikana kwa jina la kikazi kama "Director Kenny ", mwongozaji wa video za muziki kutoka Tanzania. Ukiacha uongozaji wa taswira mjongeo, Kenny pia ameonekana katika filamu akiwa kama mwigizaji na mwongozaji.^[1][2][3]

Kenny alizaliwa Mbeya , Tanzania . Alipata elimu yake ya msingi na ya juu huko Kambarage Mbeya, Tanzania, na baadaye alisomea Uhandisi wa Umeme katika Kituo cha Mafunzo ya Ufundi cha Moravian. Alijiunga na kozi ya utayarishaji katika upigaji na uongozaji wa video mnamo 2014.

Mwongozaji Kenny alipiga video yake ya kwanza ya kitaalamu ya muziki, kwa wimbo wa msanii wa Tanzania Lava Lava "DEDE", mwaka wa 2017.^[4] Kisha akaongoza video ya "Nishachoka" ya Harmonize.^[5] Kupitia kampuni ya Zoom Production^[6] Mwongozaji Kenny amepiga na kuachia zaidi ya video 50 za hip hop, RnB, reggae - dancehall, bongo flava, na nyimbo za afro-pop tangu 2018. Anasifika kwa ubunifu wa kazi zake kwenye video za muziki maarufu na wasanii kama vile Roki, Vanessa Mdee, Diamond Platnumz, Rayvanny, Mbosso, Zuchu, Harmonize na Tanasha Donna. Kenny aliongoza video ya muziki ya "Tetema" ya Rayvanny, ambayo ilitunukiwa "Video Bora ya Kiafrika" katika Tuzo za All Africa Music Awards za 2019.

Makala hii kuhusu mwigizaji filamu fulani bado ni mbegu. Je, unajua kitu kuhusu Director Kenny kama wasifu wake, habari za maisha au kazi yake? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.