Kunfucyus

Kunfucyus (孔子; pinyin: Kǒngzǐ; s tagnawt: 'Mass Kang'), ilul d ɣ Kong Qiu (孔丘), ikka tt inn iga yan uflsaf acinwi n talldrar d tmnjuct, imyar ad ittyawssan s usafu n waggagn icinwiyn, iggut ɣ taysi tadlsant lli issugrn ɣ tmizar n icinwiyn mad d ikkan taflsuft d umlan n kunfucyus. Almmud nns iflsfn ittyawsmma s "Tkunfucit", taɣarast ad ar tt tettawi bahra ɣ itaggn n umddnu d win tnbaḍt, tawi tt ula ɣ tasult n yan usɣun anamun irggign d tanumi d taɣʷẓuni n wawal, tasglallaft (taddriwcit), d manmnk ad iẓḍaṛ yan ugllid ad inbḍ s irfsan ẓilnin.

Kunfucyus inna f ugayyu nns is ar izzray itaggn n ayt zikk da f ar ittini is tn laḥ ɣ uzmz nns, iɣra i tayri n imarawn d ussrɣud n imzwura d luqr n imẓẓiyn i wanna tn yugrn d luqr n taldniwin i imddan nnsnt, issawn alugn n wurɣ, "Ad ur tskart i wiyyaḍ, ɣaylli ur trit i ixf nnk".