Бубукин, Валентин Борисы фырт

Валентин Бубукин
Иумæйаг информаци
Æнæхъæн ном	Валентин Борисович Бубукин
Райгуырдис	1933-æм азы 23 апрелы(1933-04-23)[1][2] Мæскуы, Советон Цæдис
Амардис	2008-æм азы 30 октябры(2008-10-30)[3] (75 азы) Мæскуы, Уæрæсе
Æмбæстонад	Советон Цæдис
Ас	180 см
Уæз	78 кг
Позици	размæбырсæг
Клубон карье��æ 1952 ВВС-д (Мæскуы) 1953—1960 Локомотив (Мæскуы) 150 (49) 1961—1962 ЦСКА (Мæскуы) 20 (3) 1963—1965 Локомотив (Мæскуы) 118 (31) Национ иугонд командæ 1959—1961 СССР 11 (4) Тренеры карьерæ 1966—1968 Локомотив (Мæскуы) 1970—1972 Таврия 1972—1974 Карпаты (Львов) 1975—1977 ЦСКА (Мæскуы) тренер 1978 ЦСКА (Ханой) 1979 ЦСКА (Мæскуы) тренер 1980 ЦСКА (Мæскуы) начальник команды 1981—1983 ЦСКА (Мæскуы) тренер 1985—1987 ЦСКА (Мæскуы) тренер
Викикъæбицы медиа

Валенти́н Бори́сович Бубу́кин (1933-æм азы 23 апрелы, Мæскуы — 2008-æм азы 30 октябры, Мæскуы) у советон футболист, Европæйы хъалацы чемпион (1960), Советон Цæдисы спорты сгуыхт мастер (1960), УСФСР-йы сгуыхт тренер (1990).

Валентин Бубукин райгуырдис Мæскуыйы, шофыры бинонты^[4]. Йæ сабибонтæй уарзта футбол, баскетбол, хоккей æмæ æндæр спорты хуызтæ. 1947-æм азы бацыдис Мæскуыйы спорты скъола «Крылья Советов»-мæ æмæ дзы уыдис централон размæбырсæг. Уайтагъд йæхи равдыста арахстджынæй, результатмæ тырнагæй. Цалдæр къуырийы фæстæ хъазыдта фæсивæдон командæйы сконды.

1952-æм азы æрбацыдис Мæскуыйы Уæлдæфон тыхты клубмæ (ВВС Москва), хъазыдис йæ дублёрты сконды^[4]. 1953-æм азы та бацыдис «Локомотив»-мæ, клубы сæйраг тренер ма Борис Аркадьев куы уыдис, уæд. 1957-æм азы Бубукин бакуырдта уæлахизы гол мæскуыйаг «Спартак»-ы дуармæ. Æрбахуыдтой йæ иугонд командæмæ, кæцы командæимæ архайдта дунейы чемпионаты Швецийы (1958), фæлæ командæ куы фембылды, уыцы хъазты хайад нæ иста, бадтис бæндоныл æнæхъæн хъазты рæстæг. 1960-æм азы Европæйы хъалацы тыххæй та хъазыдис фæзы.

1961-æм азы йæ кæйдæр тренер Всеволод Бобров йæ бахуыдта ЦСКА-мæ, ацы клубы Бубукин ахъазыд 20 матчы, бакуырдта 3 голы. Чемпионат куы фæци, уæд раздæхтис «Локомотив»-мæ. Уыцы бонæй бакуырдта ма 21 голы ацы комæндæйы. Уыцы иу рæстæг ахуыр кодта тренеры дæсныйад.

Футболисты карьерæ куы фæци, уæд сæйраг тренерæй куыста «Локомотивы», стæй иннæ сахарты дæр — Симферополы, Львовы, суанг ма Вьетнамы сæйраг сахары. Ханойы куы куыста, уæд советон минæвæрады кусджыты тренер дæр уыд, йæ мысинæгты уый тыххæй куыд радзуры, афтæ^[5].

Амардис Мæскуыйы 2008-æм азы 30 октябры, 76 азы йыл куы цыдис, уæд.

• Европæйы чемпион (1960).
• Советон Цæдисы чемпионаты æвзист призёр (1959)
• Советон Цæдисы хъалацы рамбулæг (1957).
• Вьетнамы чемпион (1978, куыд тренер).

• Сочийы микрорайон Дагомысы ис Валентин Бубукины номыл аллей.
• 2009-æм азæй дзы цæуы æрвылазон Валентин Бубукины мемориалон ерыс.
• Йæ ном ис Кады аллейы «РЖД Арена»-йы стадионы цур.