Jan dau Melhau

Jan^[1] dau Melhau es un autor-contaire-editor-chantaire-musician lemosin. Nascut a Limòtges en 1948, fuguet un daus principaus reviscolaires de la chançon occitana de las annadas 1970-1980.

Mas sa lemosinitat, qu'es a dire son biais de veire e de viure las chausas, la natura, las bèstias, los òmes e la mòrt ne'n faguet un pauc un chantaire marginau. Laidonc aguet pas lo succès, la reconeissença mediatica coma Joan-Pau Verdier o dengueras Claudi Martí e Patric, mas Melhau zo cherchava pas, zo desirava pas. S’era desjà, a quela epòca, retirat dins la prunda campanha lemosina ente s’es mai inspirat de la natura, dau monde que li vivián e de lors misteris que de las revòutas e luchas ciutadanas o panoccitanas…

Autor e editor de belas letras lemosinas (coma Marcela Delpastre o Pau-Loís Granier), eu s'interessa a la beutat de la lenga subretot, a sa fòrça literària. Sa demarcha es pas jamai estat de far de folclorisme ni de chantar davant un plen Zenith, mas de 'nar fossinar au mai prund de la lenga occitana tota sa finesa, tota sa complexitat. Contunha auei d'obrar per lo lemosin emb son ostau d'edicion Lo Chamin de Sent Jaume (Meusac) e sos espectacles de contes e de chançons.

1. ↑ Dins la nòrma classica fixada per Loís Alibèrt, se conselha la forma Joan e se considèra que Jan es un francisme. Mas la fòrma Jan es la sola usitada en Lemosin despuei de segles.

• Petit manuel de Folklore Limousin : AD'OC, 1975.
• Lo grun empoisonat, las pitas fabulas : AD'OC, 1976.
• La pendula dau Jan, las pitas fabulas : AD'OC, 1976.
• Los dos einocents, roman : A Tots / ÒC Segur, 1978.
• Saumes per ' na sauma, poèmas : Los d'a Roier, 1979.
• Petit dictionnaire de Folklore Limousin : Los d'a Roier, 1980.
• Lo prumier libre dau Marçau : Lo Leberaubre, 1983.
• En francés dins la traduccion, libre per lojar : Lo Leberaubre, 1985.
• Permenada au país de las cronicas : lo Chamin de Sent Jaume, 1986.
• Lavertujon en chanson : lo Chamin de Sent Jaume, 1987.
• Prières populaires du Limousin : lo Chamin de Sent Jaume 1987.
• Almanach limousin pour l'an 89 : Lucien Souny, 1988.
• Journal d'un pèlerin, vielleux et mendiant, sur le chemin de Compostelle : lo Chamin de Sent Jaume 1987 (1èra edicion), 1990, (2da edicion), Federop, 1992.
• Almanach limousin, pour les cinq ans à venir : Lucien Souny, 1991.
• Cronicas per un vilatge mòrt, teatre : lo Chamin de Sent Jaume, 1991.
• Las chançons dau pair l'Ombrela : lo Chamin de Sent Jaume, 1991.
• Proverbes limousins : Lucien Souny, 1992.
• Dires de tres per n'annada de bisest, poèmas : lo Chamin de Sent Jaume, 1992.
• N'autres tanben la revolucion, teatre : lo Chamin de Sent Jaume, 1993.
• Òbras completas : lo Chamin de Sent Jaume, 1994.
• Ad un aitau franc desesper : lo Chamin de Sent Jaume, 1996.
• Sous le pseudonyme de Peire dau Mazeu : L'Ospitau : Vent-Terral, 1983, et de Pau Quepro-Emma Quenaian : Conilhs que pelons : Bidors en Veschos, 1996.

• Lo deleser : Ventadorn, 1976.
• En tut segre los jorns (emb liveròt) : Ventadorn, 1976.
• Los d'a Roier : Ventadorn, 1978.
• Lo diable es jos la pòrta : Ventadorn, 1978.
• Cronicas dau Lemosin : Ventadorn, 1982.
• Los d'a Roier, musica de tradicion lemosina : Los amics de los d'a Roier, 1984.
• Cronicas d'Armanac (doas caissetas) : Lo Chamin de Sent Jaume, 1987.
• Contes dau Lemosin : Ostal del Libre, 1990.

• Lo Marçau aus Ponts : Extrach del Prumier libre dau Marçau
• Entrevista de Jan dau Melhau - OC-TV.net - Març de 2003
• Entreten amb Jan dau Melhau e Françoise Etay a prepaus de l'espectacle Los que passavan
• La Jana, la Mili e qualques autras. Las vièlhas de Jan dau Melhau - Critica del libre Mas Vielhas - Mes Vieilles
• Associacion La Votz De las Sirènas

Portal de la literatura