Gjetar
Ein gjetar, hyrding eller hjuring er ein person som driv med gjeting; passar på at husdyr ikkje går seg vekk eller skader seg og vernar dei mot rovdyr. I tillegg kan gjetaren ha i oppgåve å mjølka, klippa og slakta dyra.
Gjetarar i kulturen
endre
Innan kristendommen er gjetaren eit mykje brukt symbol. Jesus likna Gud med ein god gjetar for sjelane, og kyrkja tok seinare i bruk dette biletet, mellom anna ved at biskopar brukte ein gjetarstav-liknande bispestav. I Juleevangeliet blir gjetarar nemnde som nokre av dei første som fekk sjå jesusbarnet.
Den hinduiske guden Krisjna voks opp som ein kugjetar, og er ofte avbilda spelande på fløyte for kyrne.
