റഫിയുദ്ദീൻ അഹമ്മദ്
റഫിയുദ്ദീൻ അഹമ്മദ് Rafiuddin Ahmed | |
|---|---|
| ജനനം | 24 ഡിസംബർ 1890 Bardhanpara, East Bengal, British India |
| മരണം | 9 ഫെബ്രുവരി 1965 (പ്രായം 74) |
| ദേശീയത | Indian |
| വിദ്യാഭ്യാസം | |
| തൊഴിൽ | Dentist |
| Medical career | |
ഇന്ത്യൻ ദന്തഡോക്ടറും അദ്ധ്യാപകനും പശ്ചിമ ബംഗാൾ മന്ത്രിസഭയിലെ മന്ത്രിയുമായിരുന്നു റഫിയുദ്ദീൻ അഹമ്മദ് (24 ഡിസ്ംബർ 1890 – 9 ഫെബ്രുവരി 1965). പിന്നീട് കൊൽക്കത്ത ഡെന്റൽ കോളേജ് എന്ന് നാമകരണം ചെയ്യപ്പെട്ട ഇന്ത്യയിലെ ആദ്യ ആദ്യ ഡെന്റൽ കോളേജായ ഡോ. ആർ. അഹമ്മദ് ഡെന്റൽ കോളേജും ഹോസ്പിറ്റലും സ്ഥാപിക്കുകയും 1950 വരെ അദ്ദേഹം അതിന്റെ പ്രിൻസിപ്പലായി തുടരുകയും ചെയ്തു. 1925 ൽ ഇന്ത്യൻ ഡെന്റൽ ജേണൽ സ്ഥാപിച്ച അദ്ദേഹം 1939 ൽ ബംഗാൾ ഡെന്റിസ്റ്റ് ആക്റ്റ് സ്ഥാപിക്കുന്നതിൽ പ്രധാന പങ്ക് വഹിച്ചു. 1946 ൽ അദ്ദേഹം ബംഗാൾ ഡെന്റൽ അസോസിയേഷൻ സ്ഥാപിച്ചു, പിന്നീട് ഇന്ത്യൻ ഡെന്റൽ അസോസിയേഷൻ എന്ന് പുനർനാമകരണം ചെയ്യപ്പെട്ടു. 1964 ൽ ഇന്ത്യാ സർക്കാർ അദ്ദേഹത്തിന് പത്മഭൂഷൺ നൽകി.
ആദ്യകാലജീവിതം
[തിരുത്തുക]
മൗലവി സഫിയുദ്ദീൻ അഹമ്മദിന്റെയും ഫൈസുന്നേഷയുടെയും രണ്ടാമത്തെ കുട്ടിയായി 1890 ഡിസംബർ 24 ന് ബ്രിട്ടീഷ് ഇന്ത്യയിലെ കിഴക്കൻ ബംഗാളിലെ ബർദൻപാറയിലാണ് റഫിയുദ്ദീൻ അഹമ്മദ് ജനിച്ചത്. നാല് സഹോദരന്മാരും ഒരു സഹോദരിയുമുണ്ടായിരുന്ന ഇദ്ദേഹം പ്രാഥമിക വിദ്യാഭ്യാസം ധാക്ക മദ്രസയിൽ നടത്തിയശേഷം പിന്നീട് കൊളീജിയറ്റ് സ്കൂളിൽ വിദ്യാഭ്യാസം പൂർത്തിയാക്കി. [1] 1908 ൽ അലിഗഡ് മുസ്ലിം സർവകലാശാലയിൽ നിന്ന് ബിരുദം നേടി.
1909-ൽ പിതാവിന്റെ മരണശേഷം അഹമ്മദ് ആദ്യം ബോംബെയിലേക്കും പിന്നീട് യുകെയിലേക്കും പിന്നീട് അമേരിക്കയിലേക്കും പോയി. അവിടെ അദ്ദേഹം അയോവ യൂണിവേഴ്സിറ്റി ഓഫ് ഡെന്റിസ്ട്രിയിൽ പ്രവേശനം നേടി. 1915 ൽ അദ്ദേഹം ഡെന്റൽ (ഡിഡിഎസ്) ബിരുദം നേടി. 1918 വരെ, ഒന്നാം ലോകമഹായുദ്ധസമയത്ത്, മസാച്യുസെറ്റ്സിലെ ബോസ്റ്റണിലെ കുട്ടികൾക്കായുള്ള ഫോർസിത്ത് ഡെന്റൽ ഇൻഫർമറിയിൽ അദ്ദേഹം പരിശീലനം നടത്തി. [1] [2]
കരിയർ
[തിരുത്തുക]
1919 ൽ ഒന്നാം ലോക മഹായുദ്ധത്തിന്റെ അവസാനത്തിൽ അദ്ദേഹം ഇന്ത്യയിലേക്ക് മടങ്ങി. [3]
ദന്തചികിത്സ
[തിരുത്തുക]അടുത്ത വർഷം, ന്യൂയോർക്ക് സോഡ ഫൗണ്ടനിൽ നിന്നുള്ള ധനസഹായത്തോടെ അദ്ദേഹം ഇന്ത്യയിലെ ആദ്യത്തെ ഡെന്റൽ കോളേജ്, ഡോ. ആർ. അഹമ്മദ് ഡെന്റൽ കോളേജ്, ഹോസ്പിറ്റൽ എന്നിവ സ്ഥാപിച്ചു. അവിടെ 1950 വരെ അദ്ദേഹം പ്രിൻസിപ്പലായി തുടർന്നു. [1] [4] ആദ്യ മൂന്ന് വർഷത്തേക്ക് 11 വിദ്യാർത്ഥികളുണ്ടായിരുന്നു, അവരിൽ ഒരാൾ പാകിസ്ഥാന്റെ ഭാവി സ്ഥാപകനായ ഫാത്തിമ ജിന്നയായിരുന്നു. [5]
1925 ൽ അദ്ദേഹം ഇന്ത്യൻ ഡെന്റൽ ജേണൽ സ്ഥാപിക്കുകയും 1946 വരെ അതിന്റെ പത്രാധിപരായി പ്രവർത്തിക്കുകയും ചെയ്തു. 1928 ആയപ്പോഴേക്കും ഡെന്റൽ പഠനത്തിന്റെ ഒരു സംഘടിത സ്ഥാപനമായി കോളേജ് ആരംഭിച്ചു. ആ വർഷം, ഓപ്പറേറ്റീവ് ഡെന്റിസ്ട്രിയെക്കുറിച്ചുള്ള ആദ്യ വിദ്യാർത്ഥിയുടെ കൈപ്പുസ്തകം അദ്ദേഹം പ്രസിദ്ധീകരിച്ചു. [1]
1946 ൽ അദ്ദേഹം ബംഗാൾ ഡെന്റൽ അസോസിയേഷൻ സ്ഥാപിച്ചു, പിന്നീട് ഇന്ത്യൻ ഡെന്റൽ അസോസിയേഷൻ എന്ന് പുനർനാമകരണം ചെയ്യപ്പെട്ടു. ഇന്ത്യൻ ഡെന്റൽ അസോസിയേഷന്റെ പ്രസിഡന്റായി മൂന്ന് തവണ സേവനമനുഷ്ഠിച്ചു. 1949 ൽ കോളേജ് കൊൽക്കത്ത സർവകലാശാലയിൽ ചേർന്നു. അതേ വർഷം തന്നെ അദ്ദേഹം തന്റെ കോളേജിനെ പശ്ചിമ ബംഗാൾ സർക്കാരിന് നൽകി കൊൽക്കത്ത ഡെന്റൽ കോളേജ് എന്ന് നാമകരണം ചെയ്തു. [1]
രാഷ്ട്രീയം
[തിരുത്തുക]1932 ൽ കൊൽക്കത്ത മുനിസിപ്പൽ കോർപ്പറേഷന്റെ കൗൺസിലറായി തിരഞ്ഞെടുക്കപ്പെട്ടു. 1936 വരെ അദ്ദേഹം അവിടെ തുടർന്നു. ആ വർഷം, കോളേജ് സ്റ്റേറ്റ് മെ��ിക്കൽ ഫെസിലിറ്റിയുമായി അഫിലിയേറ്റ് ചെയ്തു. 1939 ൽ ബംഗാൾ ഡെന്റിസ്റ്റ് ആക്റ്റ് സ്ഥാപിക്കുന്നതിൽ അദ്ദേഹത്തിന് ഒരു പ്രധാന പങ്കുണ്ടായിരുന്നു. 1942 നും 1944 നും ഇടയിൽ അദ്ദേഹം കോർപ്പറേഷന്റെ ആൽഡർമാൻ ആയി . [1]
പശ്ചിമ ബംഗാൾ മന്ത്രിസഭയിൽ സേവനമനുഷ്ഠിക്കാൻ പശ്ചിമ ബംഗാൾ മുഖ്യമന്ത്രി ഡോ. ബി.സി റോയ് അഹമ്മദിനെ ക്ഷണിച്ചു. [2] 1962 വരെ കൃഷി മന്ത്രി, സാമൂഹിക വികസന, കോ-ഓപ്പറേഷൻ, ദുരിതാശ്വാസ പുനരധിവാസവകുപ്പുകൾ അദ്ദെഹം കൈകാര്യം ചെയ്തു.[1]
നിർബന്ധിത പ്രാഥമിക വിദ്യാഭ്യാസത്തിനായി അദ്ദേഹം വാദിച്ചു. [5]
അവാർഡുകളും ബഹുമതികളും
[തിരുത്തുക]1947 ൽ ഇന്റർനാഷണൽ കോളേജ് ഓഫ് ഡെന്റിസ്റ്റുകളിൽ നിന്നും ഇംഗ്ലണ്ടിലെ റോയൽ കോളേജ് ഓഫ് സർജൻസിൽ നിന്നും 1949 ൽ പിയറി ഫൗചാർഡ് അക്കാദമിയിൽ നിന്നും ഫെലോഷിപ്പ് ലഭിച്ചു.
1964 ൽ, ഇന്ത്യയുടെ മൂന്നാമത്തെ പരമോന്നത സിവിലിയൻ അവാർഡായ പത്മ ഭൂഷൺ ലഭിച്ച ആദ്യത്തെ ഇന്ത്യൻ ദന്തരോഗവിദഗ്ദ്ധനായി. [6] [7]
അഹമ്മദിന്റെ ബഹുമതികളും സ്മാരക ബഹുമതികളും 1965 ലെ ഐസിഡി മെമ്മോറിയൽ റോളിലെ ഒരു ലിഖിതം ഉൾക്കൊള്ളുന്നു. 1977 ലെ വാർഷിക ഇന്ത്യൻ ഡെന്റൽ കോൺഫറൻസിൽ ഡോ. ആർ. അഹമ്മദ് മെമ്മോറിയൽ ഓറേഷൻ സ്ഥാപിച്ചുകൊണ്ട് ഇന്ത്യൻ ദന്തചികിത്സയ്ക്ക് അദ്ദേഹം നൽകിയ സംഭാവനകളെ ഇന്ത്യൻ ഡെന്റൽ അസോസിയേഷൻ അംഗീകരിച്ചു. പിയറി ഫൗചാർഡ് അക്കാദമി (പി‌എഫ്‌എ) 1987 ലെ ത്രൈമാസ പി‌എഫ്‌എ ജേണൽ അഹമ്മദിന്റെ സ്മരണയ്ക്കായി സമർപ്പിച്ചു, കൂടാതെ അയോവ യൂണിവേഴ്സിറ്റി ഓഫ് ഡെന്റിസ്ട്രി അലുമ്‌നി അസോസിയേഷൻ അവരുടെ ആദ്യത്തെ വിശിഷ്ട അന്താരാഷ്ട്ര പൂർവവിദ്യാർഥി അവാർഡ് 1989 ൽ അദ്ദേഹത്തിന് സമ്മാനിച്ചു. [8]
മരണവും പാരമ്പര്യവും
[തിരുത്തുക]
1965 ഫെബ്രുവരി 9 ന് അഹമ്മദ് അന്തരിച്ചു. കൊൽക്കത്തയിലെ പാർക്ക് സർക്കസിലെ സെമിത്തേരിയിൽ അദ്ദേഹത്തെ സംസ്കരിച്ചു. [1]
ഇന്ത്യയിലെ ആധുനിക ദന്തചികിത്സയുടെ പിതാവായി അനുസ്മരിക്കപ്പെട്ട ഇന്ത്യൻ ഡെന്റൽ അസോസിയേഷൻ അദ്ദേഹത്തിന്റെ ബഹുമാനാർത്ഥം ഡിസംബർ 24 ദേശീയ ദന്തഡോക്ടറായി പ്രഖ്യാപിച്ചു. [1] [9]
ശ്രദ്ധേയരായ വിദ്യാർത്ഥികൾ
[തിരുത്തുക]- ഫാത്തിമ ജിന്ന [5]
- തബിത സോളമൻ [10]
അവലംബം
[തിരുത്തുക]- ↑ 1.0 1.1 1.2 1.3 1.4 1.5 1.6 1.7 1.8 "Dr. Rafiuddin Ahmed Founding Father Of Indian Dental Association". www.ida.org.in. Retrieved 7 May 2020.
- ↑ 2.0 2.1 Kochhar, P. C. (2000). History of the Army Dental Corps and Military Dentistry. Lancer Publishers. p. 25. ISBN 978-81-7062-285-7.
- ↑ Kharbanda, Om Prakash (2019). Orthodontics: Diagnosis of & Management of Malocclusion & Dentofacial Deformities - E Book: -. Elsevier Health Sciences. p. 27. ISBN 978-81-312-4936-9.
- ↑ Siddiqui, Zeba; Srivastava, Rahul; Srivastava, Srivastava (2018). "The Future Prospects of Dental Graduates in India: A Review" (PDF). International Journal of Contemporary Medicine, Surgery and Radiology. 3 (2). doi:10.21276/ijcmsr.2018.3.2.37.
- ↑ 5.0 5.1 5.2 M. Reza, M. Reza (2017). Fatima Jinnah. Cambridge University Press. pp. 49–50. ISBN 978-1-107-19276-8.
- ↑ "Padma Awards Directory (1954–2014)" (PDF). Ministry of Home Affairs (India). 21 May 2014. pp. 11–37. Archived from the original (PDF) on 15 November 2016. Retrieved 22 September 2016.
- ↑ Fatima, Dr Zareen. "Dr. Rafiuddin Ahmed : "Father of modern dentistry" of India". HeritageTimes (in ബ്രിട്ടീഷ് ഇംഗ്ലീഷ്). Retrieved 22 May 2020.
- ↑ "South Asia's oldest dental college of Kolkata celebrates 100 years". Get Bengal. Retrieved 23 May 2020.
- ↑ "Journey of Dr. R. Ahmed" (in ഇംഗ്ലീഷ്). Indian Dental Association (IDA). 1 December 2016. Retrieved 22 May 2020.
- ↑ Ponvannan, Gayathri (2019). Unstoppable: 75 Stories of Trailblazing Indian Women (in ഇംഗ്ലീഷ്). Hachette India. p. 143. ISBN 978-93-88322-01-0.
External links
[തിരുത്തുക]- Dr. R. Ahmed Dental College and Hospital Archived 2021-05-25 at the Wayback Machine.