മത്തായി സുനിൽ

ഇംഗ്ലീഷ് വിലാസം

https://ml.wikipedia.org/wiki/Mathai_Sunil

മത്തായി സുനിൽ
മത്തായി സുനിൽ, ചലച്ചിത്ര പിന്നണിഗായകൻ
പശ്ചാത്തല വിവരങ്ങൾ
തൊഴിൽ(കൾ)	ഗായകൻ
ഉപകരണ(ങ്ങൾ)	Vocalist
വർഷങ്ങളായി സജീവം	2012 - ഇന്നുവരെ

കേരളത്തിലെ നാടൻപാട്ടു കലാകാരനും ചലച്ചിത്ര-നാടക ഗായകനുമാണ് മത്തായി സുനിൽ. നാടൻപാട്ടിനു നൽകിയ സംഭാവനകൾ പരിഗണിച്ച് കേരള ഫോക്‌ലോർ അക്കാദമി 2015-ൽ യുവപ്രതിഭാ പുരസ്കാരം നൽകി ആദരിച്ചു^[1].

അമ്മണൻ, പൊന്നമ��മ ദമ്പതികളുടെ ആറുമക്കളിൽ നാലാമനായി 1979 മെയ് 30-ന് കൊല്ലം ജില്ലയിലെ ഇടയ്ക്കാട് എന്ന പ്രദേശത്ത് ജനിച്ചു. ഇടയ്ക്കാട് യു. പി. എസ്, ജയജ്യോതി എച്ച്. എസ്., വി. എച്ച് എസ് , ശാസ്താംകോട്ട ഡി​ബി കോ​ളെ‌​ജ് എന്നിവിടങ്ങളിൽ നിന്നും വിദ്യാഭ്യാസം നേടി. ഡി ബി കോളജിലെ നാടോടി എന്ന കലാസംഘത്തിൽച്ചേർന്നു നാടൻപാട്ടുകൾ പാടിയിരുന്നു. അക്കാലത്ത് നാടൻപാട്ടുകലാകാരനായിരുന്ന സി. ജെ. കുട്ടപ്പനെ പരിചയപ്പെടുകയും 15 വർഷത്തോളം അദ്ദേഹത്തിന്റെ സംഘത്തിൽ അ��ഗമാകുകയും ചെയ്തു. ബാച്ചിലർ പാർട്ടി എന്ന ചിത്രത്തിലെ "ബാച്ചിലർ ലൈഫാണ് അഭയമെന്റയ്യപ്പാ..." എന്ന ഗാനത്തിന്റെ ട്രാക്കുപാടുകയും ഈ പാട്ട് സംവിധായകന് ഇഷ്ടപ്പെട്ടതിനാൽ സിനിമയിൽ ഉപയോഗിക്കുകയും ചെയ്തു. ഈ പാട്ടാണ് മത്തായി സുനിൽ ആദ്യമായി സിനിമയ്ക്കുവേണ്ടി പാടിയ പാട്ട്. അതിനുശേഷം കമ്മട്ടിപ്പാടം എന്ന സിനിമയിലെ ഗാനങ്ങൾ പാടുകയും ചെയ്തിട്ടുണ്ട്.^[2]

നാടൻ പാട്ടുകൾ പാടുന്നു. കെ.പി.എ.സി., കണ്ണൂർ സംഘചേതന, കാളിദാസ കലാകേന്ദ്രം തുടങ്ങിയ സമിതികളുടെ നാല്പതോളം നാടകങ്ങളിലും നിരവധി ആൽബങ്ങളിലും പാടിയിട്ടുണ്ട്. ഇപ്പോൾ പാട്ടുപുര എന്ന നാടൻപാട്ടുസംഘത്തിൽ പാടിവരുന്നു. ^[3]

• ഫോക്‌ലോർ അക്കാദമിയുടെ യുവപ്രതിഭാ പുരസ്കാരം (2015)^[4][5]

മത്തായി സുനിൽ, ബാച്ച്‌ലർ പാർട്ടി, ഇയ്യോബിന്റെ പുസ്തകം (ചലച്ചിത്രം), സെലിബ്രേഷൻ, മുല്ലമൊട്ടും മുന്തിരിച്ചാറും, കമ്മട്ടിപ്പാടം, ഒരു മുറൈ വന്തു പാർത്തായാ, ഇ, ബോൺസായ്, അഡ്വഞ്ചർ ഓഫ് ഓമനക്കുട്ടൻ എന്നീ ചലച്ചിത്രങ്ങളിൽ പാടിയിട്ടുണ്ട്. ^[6][7]

വെള്ളം ബി.കെ.ഹരിനാരായണൻ ബിജിപാൽ

വിശുദ്ധരാത്രികൾ.അൻവർഅലി സച്ചിൻ ബാലു വരയൻ ബി.കെ.ഹരിനാരയണൻ പ്രകാശ് അലക്സ്