എ.എൻ. രാജൻ ബാബു

ഇംഗ്ലീഷ് വിലാസം

https://ml.wikipedia.org/wiki/A.N._Rajan_Babu

കേരളത്തിലെ ജെ.എസ്സ്.എസ്സിന്റെ നേതാവും പൊതു പ്രവർത്തകനും മുൻ നിയമസഭാംഗവുമാണ്, എ.എൻ. രാജൻ ബാബു. അഡ്വക്കേറ്റായ ഇദ്ദേഹം പതിനൊന്നാം നിയമസഭയിൽ, കരുനാഗപ്പള്ളി നിയമസഭാമണ്ഡലത്തെയാണ് പ്രതിനിധീകരിച്ചിരുന്നത്. ^[1][2]

1948 മേയ് 10-ന് പത്തനംതിട്ട ജില്ലയിലെ മെഴുവേലിൽ എം.കെ നാരായണന്റേയും റ്റി.കെ. ജാനകിയുടേയും മകനായാണ് രാജൻ ബാബുവിന്റെ ജനനം. ബി.എസ്.സി - എൽ.എൽ.ബി ബിരുദങ്ങൾ ഉള്ള ഇദ്ദേഹം ട്രേഡ് യൂണിയൻ തൊഴിലാളിയായും പ്രവർത്തിച്ചിട്ടുള്ളയാളാണ്. അഡ്വക്കേറ്റായി ജോലി നോക്കുന്ന ഇദ്ദേഹം, കൊല്ലം എസ്.എൻ.ഡി.പി യോഗത്തിന്റേയും, എസ്.എൻ ട്രസ്റ്റിന്റേയും ശിവഗിരി ധർമ്മസംഘം ട്രസ്റ്റിന്റേയും ലീഗൽ അഡ്വൈസറായും പ്രവർത്തിക്കുന്നു. കേരളാ ഹൈക്കോടതിയിൽ എസ്. ഈശ്വരയ്യറുടെ ജൂനിയർ അഡ്വക്കേറ്റായാണ് ഇദ്ദേഹത്തിന്റെ പ്രാക്ടീസ് തുടങ്ങിയത്. പിന്നീട് ഹൈക്കോടതിയിലും സുപ്രീം കോടതിയിലുമായി പല പ്രമാദമായ കേസുകളിലും ഹാജരായിട്ടുണ്ട്. രാജൻ കേസിൽ ഇദ്ദേഹം കേരളസംസ്ഥാനത്തിന്റെ പ്ലീഡറായി കേരളാ ഹൈക്കോടതിയിൽ സേവനം അനുഷ്ഠിച്ചിട്ടുണ്ട്.^[1]

സ്കൂളിൽ പഠിക്കുമ്പോൾ കെ.എസ്.എഫിന്റെ സജീവ പ്രവർത്തകനായിരുന്ന രാജൻ ബാബു, പിന്നീട് എസ്.എഫ്.ഐയുടെ തുടക്കം മുതൽ അതിന്റെ ഭാഗമായി പ്രവർത്തിച്ചിരുന്നു. 1971-ൽ സി.പി.എമ്മിന്റെ സജീവപ്രവർത്തകനായ ഇദ്ദേഹം ജെ.എസ്.എസ്. രൂപീകരണസമയത്ത് അതിന്റെ ഭാഗമായി. 1995-മുതൽ ജെ.എസ്.എസ്സിന്റെ സംസ്ഥാന വൈസ് പ്രസിഡന്റായിരുന്നു.^[1] പിന്നീട് ഗൗരിയമ്മയുമായുള്ള അഭിപ്രായ വത്യാസങ്ങളുടെ തുടർച്ചയായി ജെ.എസ്.എസ് പിളരുകയും, രാജൻ ബാബുവിന്റെ നേതൃത്വത്തിൽ ഒരു വിഭാഗം എൻ.ഡി.എ.യുടെ ഭാഗമാകുകയും ചെയ്തു. 2019 ൽ അദ്ദേഹം വീണ്ടും ഗൗരിഅമ്മയുടെ പാർട്ടിയിൽ തിരിച്ചെത്തി.

• 2006-ലേയും 2011-ലെയും സ്വത്തു വിവരങ്ങൾ, തിരഞ്ഞെടുപ്പിന് മുൻപ് സമർപ്പിച്ചത്