എസ്.എൽ. പുരം

ഇംഗ്ലീഷ് വിലാസം

https://ml.wikipedia.org/wiki/S.L._Puram

ആലപ്പുഴ ജില്ലയിൽ ചേർത്തല താലൂക്കിലുള്ള പ്രദേശമാണ് എസ്. എൽ. പുരം. സേതു ലക്ഷ്മീ പുരം എന്നതിന്റെ ചുരുക്കപ്പേരാണ്. എസ്. എൽ. പുരം. തിരുവിതാംകൂർ മഹാറാണിയായിരുന്ന റീജന്റ് സേതു ലക്ഷ്മീഭായിയോടുള്ള ബഹുമാനാർത്ഥമാണ് ഈ പ്രദേശത്തിന് ഇത്തരത്തിൽ പേരുനൽകിയത്. കഞ്ഞിക്കുഴി എന്ന് പൊതുവിൽ അറിയപ്പെടുന്ന പ്രദേശമാണ് പ്രധാനമായും ഈ പേരിൽ വിളിക്കപ്പെട്ടത്. ആലപ്പുഴ നഗരത്തിൽ നിന്നും ചേർത്തലയ്ക്കുള്ള ദിശയിൽ നഗരത്തിൽ നിന്നും 16 കി.മീറ്റർ വടക്കോട്ട് മാറി ദേശീയപാതയോരത്ത് കഞ്ഞിക്കുഴി പഞ്ചായത്തും - മാരാരിക്കുളം വടക്ക് പഞ്ചായത്തും തമ്മിൽ അതിർത്തി പങ്കിടുന്ന പ്രദേശമാണ് എസ്. എൽ പുരം. ഇതിന്റെ സമീപ പ്രദേശങ്ങളാണ് മാരാരിക്കുളം, കണിച്ചുകുളങ്ങര, മുഹമ്മ തുടങ്ങിയവ. ^[1]

എസ്.എൽ. പുരം സ്വദേശിയായിരുന്ന കുണ്ടേലാറ്റ് കാളിയ മല്ലൻ എന്ന ജന്മിക്ക് തിരുവിതാംകൂർ രാജവംശവുമായി ബന്ധമുണ്ടായിരുന്നു. ആ ബന്ധത്തിന്റെ അടിസ്ഥാനത്തിൽ അന്നത്തെ കഞ്ഞിക്കുഴി പ്രദേശത്ത് കാളിയമല്ലനെ സന്ദർശിക്കാനായി തിരുവിതാംകൂർ മഹാറാണ് സേതു ലക്ഷ്മീ ഭായി സന്ദർശിക്കാനെത്തിയതിനെ തുടർന്നാണ് ഈ സ്ഥലത്തിന് ഈ പേര് വന്നത്.

കഞ്ഞിക്കുഴി മാർക്കറ്റ്, മാരാരിക്കുളം പോലീസ് സ്റ്റേഷൻ, ജി.ശ്രീനിവാസ മല്ലൻ മെമ്മോറിയൽ ഗവണ്മെന്റ് ഹൈസ്കൂൾ, മാരാരിക്കളം മഹാദേവക്ഷേത്രം, ഗാന്ധിസ്മാരക ഗ്രാമസേവാ കേന്ദ്രം, ചേർത്തല ശ്രീനാരായണ കോളേജ് തുടങ്ങിയവയാണ് എസ്.എൽ പുരത്തെ പ്രധാന സ്ഥാപനങ്ങൾ.

പ്രശസ്ത നാടകകൃത്ത് എസ്.എൽ. പുരം സദാനന്ദൻ, ^[2]പത്രപ്രവർത്തകനും പുരോഗമനകലാസാഹിത്യ സംഘം പ്രവർത്തകനുമായിരുന്ന എം.എൻ കുറുപ്പ്, സിനിമാ സംവിധായകൻഎസ്. എൽ പുരം ആനന്ദ് തുടങ്ങിയവർ ഈ പ്രദേശത്തുനിന്നുമുള്ളവരാണ്.

1. ↑ "മാരാരിക്കുളംഹോട്ടൽ.കോം, ഇംഗ്ലീഷ്". Archived from the original on 2011-09-14. Retrieved 2011-09-16.
2. ↑ "ദി ഹിന്ദു.കോം". Archived from the original on 2006-09-06. Retrieved 2011-09-16.

ആലപ്പുഴ ജില്ലയുടെ ഭൂമിശാസ്ത്രവുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക.