അഡൻസോണിയ ഡിജിറ്റാറ്റ
| ആഫ്രിക്കൻ ബൊവാബാബ് | |
|---|---|
| |
| ടാൻസാനിയയിലെ പൂവിട്ട് നിൽക്കുന്ന പ്രായപൂർത്തിയായ മരം | |
ശാസ്ത്രീയ വർഗ്ഗീകരണം 
| |
| കിങ്ഡം: | സസ്യം |
| ക്ലാഡ്: | ട്രക്കിയോഫൈറ്റ് |
| ക്ലാഡ്: | സപുഷ്പി |
| ക്ലാഡ്: | Eudicots |
| ക്ലാഡ്: | Rosids |
| Order: | മാൽവേൽസ് |
| Family: | Malvaceae |
| Genus: | Adansonia |
| Species: | A. digitata
|
| Binomial name | |
| Adansonia digitata | |
| Synonyms[1] | |
| |
അഡൻസോണിയ ജനുസ്സിലെ ഏറ്റവും വ്യാപകമായി കാണപ്പെടുന്ന വൃക്ഷ ഇനമാണ് അഡൻസോണിയ ഡിജിറ്റാറ്റ (ശാസ്ത്രീയനാമം: Adansonia digitata). ആഫ്രിക്കൻ ഭൂഖണ്ഡത്തിൽ നിന്നുള്ള ഇവ ബൊവാബാബ് എന്നറിയപ്പെടുന്നു. ദീർഘകാലം നിലനിൽക്കുന്ന ഇവ പാച്ചിക്കോൾസ് വിഭാഗത്തിലുള്ളതാണ്. ഉപ-സഹാറൻ ആഫ്രിക്കയിലെ വരണ്ടതും ചൂടുള്ളതുമായ സാവന്നകളിൽ കാണപ്പെടുന്ന ഇവ ഭൂപ്രകൃതിയിൽ ആധിപത്യം പുലർത്തുന്നതോടൊപ്പം വിദൂരത്തുനിന്നുള്ള ഒരു ജലസ്രോതസ്സിന്റെ സാന്നിധ്യവും വെളിപ്പെടുത്തുന്നു. [2] ഭൂഗർഭജലമോ മഴയോ അനുസരിച്ചാണ് ഇവയുടെ വളർച്ചാ നിരക്ക് നിർണ്ണയിക്കുന്നത്. [3][4] ഇവയുടെ പരമാവധി പ്രായം 1,500 വർഷം വരെയാണെന്നു കാണാം.[5] പരമ്പരാഗതമായി ഭക്ഷണ സ്രോതസ്സുകൾ, വെള്ളം, ആരോഗ്യ പരിഹാരങ്ങൾ അല്ലെങ്കിൽ അഭയ സ്ഥലങ്ങൾ എന്നിവയുടെ സ്രോതസ്സുകളായി കരുതപ്പെടുന്ന അവ വളരെ വിലമതിക്കപ്പെടുന്ന സസ്യയിനമാണ്. ഇതിഹാസത്തിലും അന്ധവിശ്വാസങ്ങളിലും ഈ വൃക്ഷം ധാരാളം ഉൾപ്പെട്ടിരിക്കുന്നു.[3] പുരാതന യൂറോപ്യൻ പര്യവേക്ഷകർ അവരുടെ പേരുകൾ ബയോബാബുകളിൽ കൊത്തിവയ്ക്കാൻ താൽപര്യപ്പെടുകയും, കൂടാതെ പലരും ആധുനിക ഗ്രാഫ്റ്റികളാൽ ഈ മരത്തിനെ നശിപ്പിക്കുകയും ചെയ്യുന്നു.[6]
വിവരണം
[തിരുത്തുക]ആഫ്രിക്കൻ ബയോബാബുകൾ സാധാരണയായി ഒറ്റപ്പെട്ട് വളരുന്ന മരങ്ങളാണ്. അവ സാവന്നകളിലോ കുറ്റിച്ചെടികൾക്കിടയിലൂടെയോ വലുതും ഒറ്റപ്പെട്ടുമായി കാണപ്പെടുന്നു. അവ സാധാരണയായി ഏകദേശം 5–25 മീറ്റർ (16–82 അടി) വരെ ഉയരത്തിൽ വരെ വളരുന്നു.[7] സാധാരണയായി വളരെ വീതിയുള്ളതും ഫ്ലൂട്ട് ആകൃതിയിലുള്ളതോ സിലിണ്ടർ ആകൃതിയിലുള്ളതോ ആയ ഇതിന്റെ തടി [8]10–14 മീറ്റർ (33–46 അടി) വരെ വ്യാസത്തിൽ വളരുന്നു[9] പല വൃക്ഷ ഇനങ്ങളിലും തടിയുടെ ഏറ്റവും പഴക്കമേറിയതും ആന്തരികവുമായ ഭാഗത്തിന്റെ അഴുകൽ പോലുള്ള ഭാഗം നീക്കം ചെയ്യലിന്റെ ഫലമായി ഇതിൽ പൊള്ളയായ കാമ്പ് കാണപ്പെടുന്നു. എന്നിരുന്നാലും, ബയോബാബുകളിൽ, ഏറ്റവും വലുതും പഴക്കമേറിയതുമായ പല മരങ്ങൾക്കും വേരുകളിൽ നിന്ന് മുളയ്ക്കുന്ന മൂന്ന് മുതൽ എട്ട് വരെ തണ്ടുകളുടെ സംയോജിത വൃത്തത്തിന്റെ ഫലമായി ഉണ്ടാകുന്ന പൊള്ളയായ ഒരു കാമ്പ് ഉണ്ട്. [9] ഇതിന്റെ പുറംതൊലി ചാരനിറത്തിലുള്ളതും സാധാരണയായി മിനുസമാർന്നതുമാണ്. പ്രധാന ശാഖകൾ വലുതായിരിക്കും. എല്ലാ ബയോബാബുകളും ഇലപൊഴിക്കുന്നു. വരണ്ട കാലാവസ്ഥയിൽ ഇലകൾ നഷ്ടപ്പെടുകയും വർഷത്തിൽ ഏകദേശം എട്ട് മാസക്കാലം ഇലകളില്ലാതെ തുടരുകയും ചെയ്യുന്നു. പൂക്കൾ വലുതും വെളുത്തതും തൂങ്ങിക്കിടക്കുന്നതുമാണ്. വൃത്താകൃതിയിലുള്ള പഴങ്ങളിൽ കട്ടിയുള്ള പുറംതോടു കാണപ്പെടുന്നു.[8]
പക്വമായ മരങ്ങളിൽ അഞ്ച് മുതൽ ഏഴ് വരെ (ചിലപ്പോൾ ഒമ്പത് വരെ) ഇലകളുടെ പത്രവിന്യാസം ഹസ്തക പത്ര രൂപത്തിലാണ് കാണപ്പെടുന്നത്. എന്നാൽ തൈകൾക്കും പുനരുജ്ജീവിക്കുന്ന ചിനപ്പുപൊട്ടലുകൾക്കും ലഘുപത്രങ്ങൾ ഉണ്ടാകാം. ഹസ്തക ഇലകളിലേക്കുള്ള മാറ്റം പ്രായത്തിനനുസരിച്ച് സംഭവിക്കുന്നു. അത് ക്രമേണയായിരിക്കാം. ആഫ്രിക്കൻ ബയോബാബുകൾക്ക് മറ്റ് മിക്ക അഡൻസോണിയ ഇനങ്ങളെക്കാളും വളരെ നീളമുള്ള ലഘുപത്രങ്ങൾ കാണപ്പെടുന്നു. ലഘുപത്രികകൾ തണ്ടില്ലാത്തതു (അവൃന്തം) മുതൽ ചെറിയ തണ്ടുള്ളവയാണ്. എന്നാൽ വലുപ്പം വ്യത്യാസപ്പെടാം.[8]
വരണ്ട കാലത്തും മഴക്കാലത്തും ഇവ പൂവിടാറുണ്ട്.[8]മുകുളങ്ങൾ കോൺ ആകൃതിയിലുള്ള അഗ്രത്തോടെ വൃത്താകൃതിയിലാണ് കാണപ്പെടുന്നത്. ആകർഷകവും ചിലപ്പോൾ ജോഡികളുമായ പൂക്കൾ സാധാരണയായി 15–90 സെന്റീമീറ്റർ (6–35+1⁄2 ഇഞ്ച്) നീളമുള്ള തണ്ടിന്റെ അറ്റത്ത് ഒറ്റയ്ക്ക് രൂപം കൊള്ളുന്നു. ബാഹ്യദളപുഞ്ജം സാധാരണയായി പച്ച നിറത്തിൽ ത്രികോണാകൃതിയിൽ ക്രീം നിറമുള്ളതും, രോമമുള്ള ഉൾഭാഗത്തോടു കൂടിയ പിൻഭാഗത്തേയ്ക്ക് വളഞ്ഞ അഞ്ച് (ചിലപ്പോൾ മൂന്ന്) വിദളം കൊണ്ട് നിർമ്മിച്ചതാണ്. വെളുത്ത ദളങ്ങൾ 8 സെന്റീമീറ്റർ (3 ഇഞ്ച്) വരെ ഏകദേശം ഒരേ വീതിയും നീളവുമുള്ള മുകുളമായി ചുരുങ്ങുന്നു.[8] ഉച്ചകഴിഞ്ഞ് വിരിയുന്ന പൂക്കൾ ഒരു രാത്രി മാത്രം തുറന്ന് ഉത്പാദനക്ഷമതയുള്ളതായി തുടരുന്നു.[3]പുതിയ പൂക്കൾക്ക് ആനന്ദിപ്പിക്കുന്ന സുഗന്ധമുണ്ട്, പക്ഷേ ഏകദേശം 24 മണിക്കൂറിനുശേഷം അവ തവിട്ടുനിറമാകാൻ തുടങ്ങുകയും ചീഞ്ഞ മാംസത്തിന്റെ ഗന്ധം പുറപ്പെടുവിക്കുകയും ചെയ്യുന്നു.[3] ആൻഡ്രോസിയം വെളുത്തതാണ്. 3–6 സെ.മീ (1+1⁄4–2+1⁄4 ഇഞ്ച്) നീളമുള്ള സംയോജിത കേസരങ്ങളുടെ ട്യൂബ് (ഒരു സ്റ്റാമിനൽ ട്യൂബ്) കൊണ്ട് നിർമ്മിച്ചിരിക്കുന്ന ഇത് 3–5 സെ.മീ നീളമുള്ള സംയോജിതമല്ലാത്ത (സ്വതന്ത്ര) ഇതളുകളാൽ ചുറ്റപ്പെട്ടിരിക്കുന്നു. ധാരാളം കേസരങ്ങളുണ്ട്, ഒരു പൂവിന് 720–1,600, 2,000 വരെ കേസരങ്ങൾ ഉണ്ട്. [10] സ്റ്റാമിനൽ ട്യൂബിലൂടെ വളരുകയും പുറമേ തള്ളിനിൽക്കുകയും ചെയ്യുന്ന ജനിദണ്ഡ് വെളുത്തതാണ്. സാധാരണയായി 90 ഡിഗ്രി വളഞ്ഞ അവയുടെ മുകളിൽ ക്രമരഹിതമായ ഒരു പരാഗണസ്ഥലം ഉണ്ടാകുകയും ചെയ്യുന്നു. മാൽവേസി കുടുംബത്തിന് സമാനമായ സ്വഭാവ സവിശേഷത കാണിക്കുന്ന ഇവയുടെ ഗോളാകൃതിയിലുള്ള പരാഗരേണുക്കളുടെ ഉപരിതലത്തിൽ സ്പൈക്കുകളും ഉണ്ട്. പൂമ്പൊടി വ്യാസം ഏകദേശം 50 മൈക്രോൺ ആണ്.[11]
എല്ലാ അഡൻസോണിയകളിലും 25 സെന്റീമീറ്റർ (10 ഇഞ്ച്) വരെ നീളമുള്ള, മരംപോലിരിക്കുന്ന പുറംതോടോടുകൂടിയ, വലിയ, വൃത്താകൃതിയിലുള്ള, പഴങ്ങൾ ഉണ്ടാകുന്നു. ആഫ്രിക്കൻ ബയോബാബ് പഴങ്ങളുടെ ആകൃതി വളരെ വ്യത്യസ്തമാണ്. ഏതാണ്ട് വൃത്താകൃതി മുതൽ ദീർഘവൃത്താകൃതിയിൽ വരെ കാണപ്പെടുന്ന ഇവയുടെ പുറംതോട് 6–10 മില്ലിമീറ്റർ (1⁄4–3⁄8 ഇഞ്ച്) കട്ടിയുള്ളതാണ്. [8] ഉള്ളിൽ മാംസളമായ, ഇളം തവിട്ടു നിറമുള്ള പൾപ്പ് കാണപ്പെടുന്നു. ഉണങ്ങുമ്പോൾ, പൾപ്പ് നുറുങ്ങിപ്പോകുന്ന ഒരു പൊടിയായി കഠിനമാകുന്നു.[12] 06-മില്ലീമീറ്റർ കട്ടിയുള്ള ആവരണമുള്ള വിത്തുകൾ കടുപ്പമുള്ളതും വൃക്കയുടെ ആകൃതിയിലുള്ളതുമാണ് [12] ദീർഘകാല നിദ്രാവസ്ഥ കാണിക്കുന്ന വിത്തുകൾ തീപിടുത്തത്തിനു ശേഷമോ ഒരു മൃഗത്തിന്റെ ദഹനനാളത്തിലൂടെ കടന്നുപോകുമ്പോഴോ മാത്രമേ മുളയ്ക്കുകയുള്ളൂ.[12] വിത്ത് മുളയ്ക്കുന്നതിന് മുമ്പ് വെള്ളം തുളച്ചുകയറാൻ അനുവദിക്കുന്നതിലൂടെ മാത്രമേ വിത്തിന്റെ പുറംതോട് പൊട്ടുന്നതിനായി നേർത്തതാകുകയുള്ളൂ എന്നതിനാലാണ് ഇത് എന്ന് കരുതപ്പെടുന്നു.[12]
-
Each leaf comprises five leaflets -
Open flower -
Bisected flower -
Two pollen grains overlapped -
Fruit -
ഹവായിയിലെ ഒവാഹുവിലെ അല മന ബീച്ച് പാർക്കിൽ തൂക്കികിടക്കുന്ന പഴങ്ങൾ. -
Seeds with coins
_in_Hyderabad_W_IMG_8271.jpg)
.jpg)
ജലസംഭരണം
[തിരുത്തുക]തുടർച്ചയായ വരൾച്ചയും വെള്ളം എത്താൻ പ്രയാസവുമുള്ള പ്രദേശങ്ങളിൽ ജീവിക്കുന്നതിനാൽ ബയോബാബ് മരങ്ങൾ അവയുടെ തടികളിലും ശാഖകളിലും കാലാനുസൃതമായ അടിസ്ഥാനത്തിൽ വെള്ളം സംഭരിക്കുന്നു. മഴക്കാലത്ത് മണ്ണിന്റെ പാളിയിലേക്ക് തുളച്ചുകയറാൻ ആവശ്യമായ മഴ വളരെ അപൂർവമായി ലഭിക്കുന്നതിനാൽ പുറംതൊലിയിലെ സ്പോഞ്ചി പോലുള്ള വസ്തുക്കൾ വെള്ളം കലകളിലേക്ക് കൂടുതൽ ആഴത്തിൽ ആഗിരണം ചെയ്യാൻ സഹായിക്കുന്നു. [13]U- ആകൃതിയിലുള്ള ശാഖകൾ വെള്ളം താഴേക്ക് ഇറ്റിറ്റു വീഴാൻ സഹായിക്കുന്നു. മഴ നിലച്ചതിനുശേഷവും ദീർഘനേരം പരമാവധി വെള്ളം ആഗിരണം ചെയ്യാൻ ഇത് സഹായിക്കുന്നു.[14] മരത്തിന്റെ വാസ്കുലർ ടിഷ്യുവിലേക്ക് ആഗിരണം ചെയ്യപ്പെടുന്ന വെള്ളം അവിടെ അത് ദീർഘകാല സംഭരണത്തിനായി മരത്തിന്റെ പാരൻചൈമ കോശങ്ങളിലേക്ക് മാറ്റപ്പെടുന്നു.[15] ഒരു വലിയ ബയോബാബിന് 136,400 ലിറ്റർ വെള്ളം സംഭരിക്കാൻ കഴിയും.[16]
വരൾച്ച കാലത്ത്, മരങ്ങൾ അവയുടെ എല്ലാ ഇലകളും പൊഴിക്കും.[13] ഈ കാലയളവിൽ, തടിയുടെ ചുറ്റളവ് ഏകദേശം 2-3 സെന്റീമീറ്റർ ചുരുങ്ങുകയും തണ്ടിലെ ജലാംശം ഏകദേശം 10% കുറയുകയും ചെയ്യും.[17]വരണ്ട സീസണിൽ ഇലകൾ കൊഴിയുന്നത് ബാഷ്പീകരണം വഴി സ്റ്റോമറ്റയിലൂടെ പുറത്തേക്ക് പോകുന്ന ജലനഷ്ടം തടയുന്നതിനാണ്. ഇത് വാസ്കുലർ ടിഷ്യുവിലെ ജല പൊട്ടൻഷ്യലുകൾ വളരെ കുറയാൻ കാരണമാകുകയും പാരൻചൈമ കോശങ്ങളിലെ വാക്യൂളുകളിൽ നിന്ന് വെള്ളം പുറത്തെടുക്കുകയും ചെയ്യും. ഇത് തടിയുടെയും ശാഖകളുടെയും ഭൂരിഭാഗവും ഉൾക്കൊള്ളുന്ന പാരെൻചൈമ കോശങ്ങൾ പ്ലാസ്മോലൈസ് ചെയ്ത് മരത്തെ നശിക്കുന്നതിലേക്ക് നയിക്കും.[13]
സംഭരണ കോശങ്ങളിലെ ജലം ഘടനാപരമായി പ്രധാനമാണ്, ഇത് വരൾച്ചയുടെ സമയങ്ങളിൽ സംഭരിച്ചിരിക്കുന്ന വെള്ളം വൻതോതിൽ ഉപയോഗിക്കാനുള്ള അവയുടെ കഴിവിനെ പരിമിതപ്പെടുത്തുന്നു. മിക്ക മരങ്ങളെക്കാളും ബയോബാബ് മരങ്ങൾക്ക് ജലത്തിന്റെയും പാരൻചൈമയുടെയും അളവ് വളരെ കൂടുതലാണ്. ഇത് കുറഞ്ഞ ഊർജ്ജ ചെലവിൽ വളരെ വലുതായി വളരാൻ അവയെ സഹായിക്കുന്നു.[18]വരൾച്ചയെ പ്രതിരോധിക്കുന്ന കള്ളിച്ചെടി, സക്കുലന്റുകൾ തുടങ്ങിയ ഇനങ്ങളിൽ ജലസംഭരണത്തിനായി സാധാരണയായി ഉപയോഗിക്കുന്ന മൃദുവായ സസ്യകലകളാണ് പാരൻചൈമ. സജീവമായി കൈമാറ്റം ചെയ്യപ്പെടുന്ന അയോണുകളുടെ സഹായത്തോടെ, വാസ്കുലർ കലയിൽ നിന്ന് വെള്ളം മരത്തിന്റെ മധ്യഭാഗത്തുള്ള പാരൻചൈമ കോശങ്ങളിലേക്ക് ഒഴുകുന്നു. കോശത്തിലേക്കുള്ള അയോൺ പ്രവാഹം സാന്ദ്രതാ വ്യതിയാനങ്ങളെ മാറ്റും, ഇത് ദീർഘകാല സംഭരണത്തിനായി കോശങ്ങളിലേക്ക് വെള്ളം കുതിച്ചുയരാൻ കാരണമാകും.
ദീർഘകാല കമ്മികൾക്ക് ഒരു കരുതൽ ആയി മാത്രമേ തായ്തടിയിലെ വെള്ളം ഉപയോഗിക്കാൻ കഴിയൂ എന്നതിന്റെ മറ്റൊരു കാരണം വാസ്കുലർ കലയും പാരൻചൈമയും തമ്മിലുള്ള ദൂരമാണ്. ഉയർന്ന പ്രതിരോധശേഷിയുള്ള പാതയായതിനാൽ, വാസ്കുലർ കലകളിൽ നിന്ന് സംഭരണ കോശങ്ങളിലേക്ക് വെള്ളം കൊണ്ടുപോകുന്നത് വളരെ സാവധാനത്തിലുള്ള പ്രക്രിയയാണ്.[17] തടിയുടെയും ശാഖകളുടെയും കാമ്പിലുള്ള കോശങ്ങളിലെ വെള്ളം, ദൈനംദിന ഉപയോഗത്തിനായി വാസ്കുലർ കലകളിലേക്ക് തിരികെ നീങ്ങുന്നതിന് മരത്തിൽ നിന്ന് വളരെയധികം ഊർജ്ജം എടുക്കുന്നു.
പ്രമുഖ മാതൃകകൾ
[തിരുത്തുക]-
സലാഗയിലെ അടിമകളുടെ ശ്മശാനത്തിലെ ബയോബാബ്. വെളുത്ത കാലിക്കോ തുണി അതിന്റെ ആത്മീയ പ്രാധാന്യത്തെ സൂചിപ്പിക്കുന്നു. -
ടാൻസാനിയയിലെ ബാഗമോയോയിൽ മുഴുവനും ഇലകൾ കൊണ്ടുമൂടിയ സസ്യം -
ടാൻസാനിയയിലെ തരൻഗിയർ ദേശീയോദ്യാനത്തിൽ ഇലകളില്ലാതെ ബയോബാബ്
അവലംബം
[തിരുത്തുക]- ↑ "Adansonia digitata L." The Plant List. Archived from the original on 2020-01-10. Retrieved 21 November 2015.
- ↑ Gerald, E. Wickens. (2008). The baobabs : pachycauls of Africa, Madagascar and Australia. New York: Springer Science + Business Media, B.V. ISBN 9781402064319. OCLC 229892367.
- ↑ 3.0 3.1 3.2 3.3 Hankey, Andrew (February 2004). "Adansonia digitata A L." plantzafrica. Archived from the original on 2016-03-05. Retrieved 28 November 2015.
- ↑ Grové, Naas (November 2011). "Redaksionele Kommentaar" (PDF). Dendron (43): 14. Archived from the original (PDF) on 4 March 2016. Retrieved 25 November 2015. Archived 2016-03-04 at the Wayback Machine
- ↑ Woodborne, Stephan, Dr. "Dating Africa's giants reveals far more than just age". CSIR. Archived from the original on 2015-11-26. Retrieved 25 November 2015.
{{cite web}}: CS1 maint: multiple names: authors list (link) Archived 2015-11-26 at the Wayback Machine - ↑ Gerald, E. Wickens. (2008). The baobabs : pachycauls of Africa, Madagascar and Australia. New York: Springer Science + Business Media, B.V. ISBN 9781402064319. OCLC 229892367.
- ↑ Wickens, G.E. (2008-03-02). The Baobabs: Pachycauls of Africa, Madagascar and Australia. Berlin] [New York: Springer Science & Business Media. pp. 31–. ISBN 978-1-4020-6431-9.
- ↑ 8.0 8.1 8.2 8.3 8.4 8.5 Baum, David A. (1995). "A Systematic Revision of Adansonia (Bombacaceae)". Annals of the Missouri Botanical Garden. 82 (3). Missouri Botanical Garden Press: 440–471. doi:10.2307/2399893. ISSN 0026-6493. JSTOR 2399893.
- ↑ 9.0 9.1 Patrut, Adrian; Woodborne, Stephan; von Reden, Karl F.; Hall, Grant; Hofmeyr, Michele; Lowy, Daniel A.; Patrut, Roxana T. (2015-01-26). "African Baobabs with False Inner Cavities: The Radiocarbon Investigation of the Lebombo Eco Trail Baobab". PLOS ONE. 10 (1): e0117193. Bibcode:2015PLoSO..1017193P. doi:10.1371/journal.pone.0117193. ISSN 1932-6203. PMC 4306539. PMID 25621989.
- ↑ Jaeger, Paul (1961). The Wonderful Life of Flowers. New York: E. P. Dutton & Co. p. 163.
- ↑ Cron, G.V.; Karimi, N.; Glennon, K.L.; Udeh, C.; Witkowski, E.T.F.; Venter, S.M.; Assogbadio, A.; Baum, D.A. (2016). "One African baobab species or two? A re-evaluation of Adansonia kilima". South African Journal of Botany. 103: 312. doi:10.1016/j.sajb.2016.02.036.
- ↑ 12.0 12.1 12.2 12.3 Kempe, Andreas; Neinhuis, Christoph; Lautenschläger, Thea (2018). "Adansonia digitata and Adansonia gregorii fruit shells serve as a protection against high temperatures experienced during wildfires". Botanical Studies. 59 (1): 7. Bibcode:2018BotSt..59....7K. doi:10.1186/s40529-018-0223-0. ISSN 1999-3110. PMC 5816730. PMID 29455307.
- ↑ 13.0 13.1 13.2 Chapotin, Saharah Moon; Razanameharizaka, Juvet H.; Holbrook, N. Michele (June 2006). "Water relations of baobab trees (Adansonia spp. L.) during the rainy season: does stem water buffer daily water deficits?". Plant, Cell and Environment (in ഇംഗ്ലീഷ്). 29 (6): 1021–1032. doi:10.1111/j.1365-3040.2005.01456.x. ISSN 0140-7791. PMID 17080930.
- ↑ "The Adaptations of the Baobab Tree". Sciencing (in ഇംഗ്ലീഷ്). 13 March 2018. Retrieved 2022-06-07.
- ↑ Chapotin, S. M.; Razanameharizaka, J. H.; Holbrook, N. M. (2006-09-01). "A biomechanical perspective on the role of large stem volume and high water content in baobab trees (Adansonia spp.; Bombacaceae)". American Journal of Botany (in ഇംഗ്ലീഷ്). 93 (9): 1251–1264. doi:10.3732/ajb.93.9.1251. ISSN 0002-9122. PMID 21642189.
- ↑ Palmer, Eve; Pitman, Norah (1972). Trees of South Africa-Volume 2. Cape Town: A.A. Balkema. p. 1459.
- ↑ 17.0 17.1 Chapotin, Saharah Moon; Razanameharizaka, Juvet H.; Holbrook, N. Michele (February 2006). "Baobab trees ( Adansonia ) in Madagascar use stored water to flush new leaves but not to support stomatal opening before the rainy season". New Phytologist (in ഇംഗ്ലീഷ്). 169 (3): 549–559. doi:10.1111/j.1469-8137.2005.01618.x. ISSN 0028-646X. PMID 16411957.
- ↑ Van den Bilcke, N.; De Smedt, S.; Simbo, D. J.; Samson, R. (2013-09-01). "Sap flow and water use in African baobab (Adansonia digitata L.) seedlings in response to drought stress". South African Journal of Botany (in ഇംഗ്ലീഷ്). 88: 438–446. doi:10.1016/j.sajb.2013.09.006. ISSN 0254-6299.
പുറം കണ്ണികൾ
[തിരുത്തുക]
- Description and cultural information Archived 2016-03-05 at the Wayback Machine
- Structured description
- PROTAbase on Adansonia digitata
- Feedipedia on Adansonia digitata
- Adansonia digitata in Brunken, U., Schmidt, M., Dressler, S., Janssen, T., Thiombiano, A. & Zizka, G. 2008. West African plants - A Photo Guide. www.westafricanplants.senckenberg.de.