ഇന്ത്യൻ കാണ്ടാമൃഗം

ഒറ്റക്കൊമ്പുകളാണ് ഇവയുടെ പ്രത്യേകത. 3000 കിലോഗ്രാം ഭാരമുള്ള ഇവയ്ക്ക് 7 അടിവരെ ഉയരമുണ്ട്. നല്ല കാഴ്ചശക്തിയും, കേൾവിശക്തിയും, ഘ്രാണശക്തിയും ഉള്ള ഇവയ്ക്ക് ശരീരരോമങ്ങൾ വളരെ കുറവാണ്. ജനിച്ച് ഒരുവർഷത്തിനുശേഷമാണ് ഇവയ്ക്ക് കൊമ്പ് ഉണ്ടാകുന്നത്. ആണിനും പെണ്ണിനും കൊമ്പ് ഉണ്ട്. പശിമയുള്ള രോമങ്ങളാൽ 60 സെന്റിമീറ്ററിലധികം നീളമുള്ള ഈ കൊമ്പ് മൂടപ്പെട്ടിരിക്കും.

നന്നായി നീന്തുന്ന ഇവയ്ക്ക് കരയിലൂടെ മണിക്കൂറിൽ 40 കിലോമീറ്റർ വേഗതയിൽ ഓടുവാൻ സാധിക്കും. സസ്യഭുക്കുകളായ ഇവയുടെ ഇഷ്ടഭക്ഷണം പുല്ല്, പഴങ്ങൾ, ഇലകൾ, ജലസസ്യങ്ങൾ എന്നിവയാണ്.

ചില മരുന്നുണ്ടാക്കുവാനും, കഠാരകൾക്ക് പിടിയുണ്ടാക്കാനും മനുഷ്യർ ഇവയുടെ കൊമ്പുകൾ ഉപയോഗിക്കുവാൻ തുടങ്ങിയത് വംശനാശത്തിന് കാരണമാണ്.