676 п.н.е.

676 п.н.е. — година според општоприфатениот календар. Тоа била 676. година пред нашата ера, 676. од првиот милениум п.н.е., 76. од 7 век п.н.е. и седма од 670-тите п.н.е.

Годината е броена од страна на различни народи, па се среќава во бројни други календари. Меѓу попознатите се вбројуваат: византискиот, асирскиот, еврејскиот, римскиот, кинескиот, будистичкиот и исламскиот.

Така, во византискиот календар, којшто времето го мери од создавањето на светот според Библијата, на 1 септември 5509 г. п.н.е. според продолжениот јулијански календар, истата трае во текот на 4832 и 4833 година. Според асирскиот календар, во којшто мерењето на времето започнува од 4750 г. п.н.е, кога се проценува дека бил изграден првиот храм во градот Асур, станува збор за 4074 година. Понатаму, во еврејскиот календар, којшто започнува на 1 септември 3760 г. п.н.е. според продолжениот јулијански календар или околу една година пред создавањето на светот според Евреите, годината се протега во текот на 3084 и 3085 еврејска година. Според календарот на Римјаните, којшто започнува од 753 п.н.е., кога браќата Ромул и Рем го основале градот Рим (познато и како Ab urbe condita), годината е избројана како 77.

Во рамките на кинескиот календар, пак, постојат две поделени мислења за почетокот на броењето на годините: едни сметаат дека тоа е 61 година од владеењето на легендарниот Жолт цар или 2637 г. п.н.е.; додека други сметаат дека за почеток треба да се земе годината кога Жолтиот цар станал владетел, т.е. 2697 г. п.н.е. На тој начин, според првото гледиште, 676 година се протега во 1960 и 1961, додека според второто гледиште, годината трае во текот на 2020 и 2021 кинеска година. Будистичкиот календар започнува да го мери времето од 543 г. п.н.е., година во којашто се смета дека Буда достигнал состојба на нирвана, па така годината е 133 пред Буда да ја достигне блажената состојба. Според исламскиот календар, во којшто мерењето на времето започнува со 622 година, т.е. годината на пребегнувањето на пророкот Мухамед од Мека во Медина (позната и како хиџра), годината се протега во текот на 1337 и 1336 исламска година пред хиџра.

• Во Грција биле одржани 26-те Олимписки игри. Победник во дисциплината трчање на растојание од еден стадион бил Калистен од Лаконија,^[1] а победник во дисциплината слична на денешниот петобој бил Филомброт од Лаконија и тоа била прва од неговите три победи во оваа дисциплина.^[1]

• Кралот Хуи од Џоу (кинески: 周惠王; пинјин: Zhōu Huì Wáng) станал седумнаесеттиот крал на кинеската династија Џо и петти на Источниот Џоу.

• Цар на Асирија бил Асархадон (681/0-669 г. п.н.е.).^[2]
• Во овој период за првпат Скитите ја нападнале територијата на Асирија.^[3]
• Асирскиот цар успеал да го фати избеганиот поранешен владетел на Сидон, Абди Милкути, кој избегал една година претходно, и го погубил, а неговото семејство и народот биле одведени во Асирија. На местото на разрушениот Сидон бил изграден нов град наречен Кар-Асархадон (во превод: пристаништето на Асархадон) и бил населен со народ од источните краеви на Асирија.^[4]
• Асириците спровеле успешен воен поход против Сандуари, кој бил владетел на киликијските градови Кунду и Сису, а бил сојузник на Абди Милкути. Сандуари бил заробен и погубен.^[5]

• Цар на Елам бил Хума-Халдаш II (681-675 г. п.н.е.).
• Еламитите испратиле пратеници во Асирија, кои требале да преговараат за склучување на мировен договор, но веројатно со цел да ги доведат Асирците во заблуда.^[6]

• Фараон на Египет бил Тахарка (690-664 г. п.н.е.).

1. ↑ ^{1,0 1,1} Apostle Arne Horn. „Eusebius of Caesarea. Lulu.com. стр. 80.
2. ↑ „The Cambridge Ancient History Volume III, Part 02 ,The Assyrian and Babylonian Empires and other States of the Near East, from the Eighth to the Sixth Centuries B.C. Cambridge University Press. 1991. стр. 119.
3. ↑ The Cambridge Ancient History Volume III, Part 02 ,The Assyrian and Babylonian Empires and other States of the Near East, from the Eighth to the Sixth Centuries B.C. Cambridge University Press. 1991. стр. 564.
4. ↑ The Cambridge Ancient History Volume III, Part 02 ,The Assyrian and Babylonian Empires and other States of the Near East, from the Eighth to the Sixth Centuries B.C. Cambridge University Press. 1991. стр. 125.
5. ↑ The Cambridge Ancient History Volume III, Part 02 ,The Assyrian and Babylonian Empires and other States of the Near East, from the Eighth to the Sixth Centuries B.C. Cambridge University Press. 1991. стр. 127.
6. ↑ The Cambridge Ancient History Volume III, Part 02 ,The Assyrian and Babylonian Empires and other States of the Near East, from the Eighth to the Sixth Centuries B.C. Cambridge University Press. 1991. стр. 131.