Сежана

Сежана Sežana
град
Грб
Сежана Локација во Словенија
Координати: 45°42′12.25″N 13°52′14.17″E / 45.7034028° СГШ; 13.8706028° ИГД / 45.7034028; 13.8706028
Држава	Словенија
Традиционален регион	Приморска
Статистички регион	Крајбрежно-крашки
Општина	Сежана
Површина
• Вкупна	15,3 км2 (59 ми2)
Надм. вис.	&10000000000003605000000360,5 м
Население (2016)[1]
• Вкупно	5.665
Час. појас	CET (UTC+1)
• Лето (ЛСВ)	CEST (UTC+2)

Сежана (италијански: Sesana) — град во регионот Приморска во Словенија, близу границата со Италија. Тој е седиште на Општина Сежана. Градот се наоѓа на висорамнината Карс, и е оддалечен 17 километри од Трст, Италија, и 80 километри од Љубљана, главниот град на Словенија.^[2]

Градот бил потврден во пишаните извори како in Cesan во 1152 година (и како Ses(s)ana во 1293 и Sexana во 1442 г.). Потеклото на името е нејасно. Раните транскрипции не поддржуваат врска со Света Сузана или со фрулијанскиот топоним Susáns. Наставката -ана укажува на романско потекло, со можност називот да е изведен од латинското лично име Сесиус. Друга можност е називот да е изведен од имотното име *Sextiānum, а исто така можно е да е од ломбардско потекло.^[3] Во 19. век имињата Сесана и Сехсана биле во официјална употреба.^[4]

До 1918 година, градот бил дел од Австриската монархија, на чело на истоимената област, еден од единаесетте Bezirkshauptmannschaften во покраината Австриско приморје.^[5]

Сежана останало мало и незначително село сè до средината на 19. век, кога австриската јужна железница, која ги поврзува Виена и Трст, била изградена во близина. Со тоа Сежана бил поврзан на голема сообраќајница и наскоро станал најважен центар на висорамнината Карс, заедно со Опичина. По 1918 година, градот бил припоен кон Кралството Италија и вклучен во покраината Трст.

Во текот на фашистичкиот период, населението било подложено на насилна политика на италијанизација, и голем дел од месното население се приклучило на милитантната анти-фашистичка организација ТИГР. Во текот на втората светска војна, посебно по 1943 година, областа станала бојно поле помеѓу партизанскиот отпор и фашистите и силите на Нацистичка Германија. Во мај 1945 година, Сежана бил ослободен од југословенските партизани. Помеѓу јуни 1945 и септември 1947 година, градот бил администриран од британска и американска војска. Во 1947 година, Сежана станал дел од Социјалистичка Федеративна Република Југославија и во 1991 година од независна Словенија.

Многу индустриски претпријатија се наоѓаат во Сежана, вклучувајќи големи компании како и многу мали претпријатија. Сежана исто така е центар за туризам. Со местоположбата помеѓу Љубљана, Трст, и јадранскиот брег и многутте значајни туристички знаменитости во близина, како ергелето во Липица, Постојнска Јама, Шкоцкански Јами, пештерата Виленица и утврденото село Штањел, Сежана е привлечно туристичко одредиште. Градот исто така е значаен земјоделски центар.

• 
  Црква „Св. Мартин“
• 
  Градска архитектура
• 
  Ботанички парк
• 
  Ботанички парк
• 
  Железничката станица

„Сежана“ на Ризницата ?

• Сежана на Геопедија Архивирано на 29 јули 2017 г.
• Sežana Архивирано на 28 јуни 2005 г., Официјално мрежно место на општината (словенечки)
• Град Сежана Архивирано на 18 февруари 2021 г., информации за градот

п р у Населени места во Општина Сежана Авбер Бого Брестовица кај Повир Брје кај Коприва Велики Дол Велико Поље Вогље Врабче Врховље Годње Горење кај Дивача Градишче кај Штјак Градње Грахово Брдо Гриже Дане кај Сежана Добравље Дол кај Вогље Долење Дутовље Жирје Јаковце Казље Коприва Косовеље Крајна Вас Креголишче Крепље Криж Кртиновица Липица Локев Мајцни Махничи Мерче Нова Вас Орлек Плешивица Плисковица Повир Подбреже Пољане кај Штјак Поникве Преложе кај Локев Пристава Равње Разгури Раша Сежана Села Село Сенадолице Скопо Стомаж Табор Томај Тубље кај Комен Утовље Филипчје Брдо Хриби Шепуље Шмарје кај Сежана Штјак Шторје