Петар Пупле

Петар Атанасов Пупле, познат и како Пепи Пупле (29 април 1922, Лерин - 23 април 1943, Лерин) — македонски партизан и активист на Народноослободителната борба во Вардарска Македонија за време на Втората светска војна.

Роден е на 29 април 1922 година во градот Лерин, Грција. Влегува во КПЈ и СКОЈ. Во летото 1942 година преминува во редовите на НОВМ и ПОМ. Партизан е во Битолскиот народноослободителен партизански одред „Јане Сандански“. Убиен е на 23 април 1943 година од германски војници во близина на Лерин.^[1]

Во негова чест една улица во Битола го носи неговото име „Пепи Пупле“.^[2]