Долно Седларце

Долно Седларце
Долно Седларце Местоположба на Долно Седларце во Македонија Долно Седларце на карта
Координати 41°54′38″N 20°54′38″E / 41.91056° СГШ; 20.91056° ИГД / 41.91056; 20.91056
Општина	Брвеница
Население	805 жит. (поп. 2021)[1]
Шифра на КО	28025
Долно Седларце на општинската карта Атарот на Долно Седларце во рамките на општината
Долно Седларце на Ризницата

Долно Седларце, локално именувано само како Седларце, — село во Општина Брвеница, во околината на градот Тетово. Селото е споено со селото Брвеница.

Селото се наоѓа во регионот Горни Полог. Долно Седларце е рамничарско село од позбиен тип и е споено со селото Брвеница.

Во XIX век селото било дел од Тетовската каза на Отоманското Царство.

Според статистиката на Васил К’нчов („Македонија, Етнографија и статистика“) од 1900 година, во Долно Седларце живееле 40 жители, сите Македонци.^[2]

По Балканските војни е забележано со 97 жители.^[3]

Според Афанасиј Селишчев во 1929 година, селото било дел од Брвеничка општина (со центар во Жеровјане) во Долнополошкиот срез и имало 17 куќи и 108 жители, Македонци и Албанци.^[4]

Според германска карта издадена во 1941 година, а заснована на пописот на Кралство Југославија во 1931 година, селото имало 150 Македонци.^[5]

Според пописот на населението на Македонија од 2002 година, селото има 693 жители, од кои 690 Македонци и 3 Срби.^[6]

Според последниот попис од 2021 година, во селото живееле 805 жители, од кои 778 Македонци, 5 Албанци, 2 Срби, 1 останат и 19 лица без податоци.^[7]

Во табелата во продолжение е направен преглед на населението во сите пописни години:

Извор за 1900 г.: Македонија. Етнографија и статистика.^[8]; за 1905 г.: La Macédoine et sa Population Chrétienne.^[9]; за 1948-2002 г.: Државен завод за статистика на РМ.^[10]; за 2021 г.: Државен завод за статистика на РМ.^[11]

Долно Седларце е македонско село.

Според истражувањата од 1947 година, родови во селото се:

• Смиљановци (9 к.) најстар род во селото, доселени се од Прилепско. Основачи на родот биле браќата Смиљан и Сиљан;
• Марковци (1 к.) доселени се, но не знаат од каде;
• Златевци (3 к.) доселени се од денес албанското село Лисец. Го знаат следното родословие: Тоде (жив на 19 г. во 1947 година) Коце-Злате-Стојан, кој се доселил во селото;
• Велковци (8 к.) доселени се од селото Синичане. Од старото село се иселиле двајца браќа Велко и Цветко. Го знаат следното родословие: Трпе (жив на 80 г. во 1947 година) Јоан-Велко, кој се доселил со неговиот брат;
• Џиковци (3 к.) се сметаат за гранка на претходно наведениот род. Од старото село се иселиле најпрво во Горно Седларце, па во ова село, го знаат следното родословие: Тоде (жив на 25 г. во 1947 година) Ристо-Коце-Јован, кој се доселил од Горно Седларце;
• Цветковци (1 к.) доселени се од денес албанското село Новаќе;
• Николовци или Призренци (2 к.) доселени се во 1913 година од селото Драјчиќи кај Призрен (Косово и Метохија)
• Стојановци (1 к.) и Таневци (1 к.) доселени се од поречкото село Брест;
• Мамикомадовци (1 к.) доселени се од селото Сараќино, каде имаат истоимени роднини, подалечно потекло од Лисец.

• Црква „Св. Атанасиј“ - Долно Седларце - Во старо време на истото место постоела црква посветена на свети Атанасиј Велики, за што сведочи еден голем камен крст со тешко читлив запис. Црквата е возобновена во 1984-1985, а е осветена од Митрополитот Полошко-кумановски г. Кирил^[12]

Во селото постои избирачкото место бр. 2032 според Државната изборна комисија, сместени во просториите на основното училиште.^[13]

На претседателските избори во 2019 година, на ова избирачко место биле запишани вкупно 610 гласачи.^[14]

== Иселеништво ==-->

• Јовица Симовски - Гума (р. 17 ноември 1982) - македонски одбојкар;^[15]
• Галоски (р. 28 февруари 1991) - македонски диџеј и продуцент.

• Полог
• Општина Брвеница
• Брвеница

• Сателитска снимка на Седларце на Карти на Гугл

п р у Населени места во Општина Брвеница Блаце Брвеница Волковија Гургурница Долно Седларце Милетино Радиовце Стенче Теново Челопек Историски Горно Фалише Липјан Млаки