Пауло Соуса

Роден во Визеу, Соуса ја започнал својата фудбалска кариера во својата татковина во екипата на Бенфика (1989-1993), пред да се пресели во градскиот соперник Спортинг Лисабон (1993-1994) во 1993 година. Следната сезона ја напуштил Португалија и потпишал за италијанскиот Јувентус (кој го купил за 10 милијарди лири) ^[1] 1994-1996; во прва година во Италија имал клучна улога за освојувањето на скудетото кое му недостасувало на клубот од Торино во претходните девет години^[2], додека во втората понудил перформанси под очекувањата, најмногу заради повредите кои произлегуваат од младоста кој биле третирани неточно во Португалија и станале хронични,^[3], но и пор��ди фактот што противничките екипи почнале да го обележуваат како човекот кој е најслабата алка во тимот ^[4], но сепак тој пронашол начин да биде водач во освојувањето на Лигата на шампионите.

Подоцна тој го носел дресот на германскиот клуб Борусија Дортмунд (1996-1998) со кој во 1997 година го освоил својот втор трофеј во Лигата на шампионите, поразувајќи го својот поранешен тим Јувентус - со што станал еден од само тројцата играчи (заедно со Марсел Десаи и Самуел Ето) кој станал европски шампион во две години по ред, со два различни клуба.^[5] - и Интерконтиненталниот куп. Во јануари 1998 година се вратил во Италија откако потпишал договор со Интер за 13,2 милијарди лири^[6] (1998-2000), но од тој момент тој никогаш не успеал да ги достигне своите перформанси од минатото. До крајот на својата играчка кариера без некој голем успех го носел дресот на Парма (2000), Панатинаикос (2000-2001) и Еспањол (2002). Кариерата ја завршил во 2002 поради проблеми со повреди, на возраст од 31 година.

Соуса бил член на талентираната португалска репрезентација кој победила на Светското првенство за играчи под 20 години во 1989.

За сениорската репрезентација одиграл 51 натпревари без погодок, а своето деби го имал на 16 јануари 1991 во пријателски натпревар против Шпанија (1-1). Последниот настап го имал во пријателски натпревар против Кина (2-0), во 2002. Својата земја ја претставувал на Европското првенство 1996 и Европското првенство 2000, како и на Светското првенство во 2002, но на тој турнир не одиграл ниту една минута.

Откако во периодот од 2005 до 2008 бил еден од помошниците на селекторот на португалската репрезентација на 19 ноември 2008, бил ангажиран од страна на англискиот клуб Квинс Парк Ренџерс за менаџер; на 9 април 2009 сопственикот на тимот, Флавио Бријаторе му врачил отказ откако полицајците по дваесет кола биле пласирани на десеттото место, заостанувајќи девет бода зад позициите кој во��еле во плејофот^[7]. Следната сезона 2009-2010, бил назначен за нов менаџер на клупата на Свонзи Сити, доведувајќи ја велшката екипа до седмото место во Чемпионшип. На 7 јуни 2010 потпишал договор со Лестер Сити,^[8] меѓутоа во септември истата година добил отказ по само 12 натпревари.

15 мај 2011 потпишал тригодишен договор со Видеотон шампионот на Унгарија од претходната сезона,^[9] со кој не започнал најдобро испаѓајќи уште во вториот круг од квалификациите за Лигата на шампионите од австрискиот Штурм Грац; На 8 јануари 2013 ја најавил својата оставка во клубот од Унгарија поради семејни причини. На 12 јуни 2013 бил назаначен за тренер на Макаби Тел Авив, со кого потпишал договор на две години. На 28 мај 2014, откако го раскинал договорот со израелската екипа, потпишал договор на три години со швајцарскиот првак, Базел; освојувајќи го швајцарското првенство уште во својата прва сезона, шеста титула по ред за црвено-сините. Меѓутоа, и покрај успешната сезона во клубот на 17 јуни 2015 го раскинал договорот со швајцарците пред неговото истекување.^[10]

Само четири дена подоцна, на 21 јуни се договорил со управата на Фјорентина, да ја преземе тренерската функција во клубот, наследувајќи го Винченцо Монтела.^[11] Соуса потпишал двегодишен договор со опција и за третата сезона доколку двете страни бидат задоволни од соработката.^[12]

Обновено на 27 септември 2015

• Пауло Соуса на soccerway
• Пауло Соуса на transfermarkt
• Пауло Соуса на goal.com Архивирано на 8 октомври 2015 г.
• Пауло Соуса на whoscored